Сылгыһыт-айанньыт Дугуйдан Винокуров уонна кини сылгылара Хонор уонна Хаастаах Сахаларын сиригэр уһун айан кэнниттэн кэллилэр. Балтараа сыл кэриҥэ уһун унньуктаах айаҥҥа сырыттылар.
Дугуйдан эппитинэн, сылгылар сөмөлүөтүнэн көтүүнү этэҥҥэ тулуйдулар, туруктара үчүгэй, суруйар СИА.
«Үчүгэйдик көттүлэр. Көтүөх иннинэ мин олус долгуйбутум, транспортировка кэмигэр сылгылар хайдах буолан туруохтара биллибэт буоллаҕа. Айан устата аттыларыгар баарым, туруктарын бэрэбиэркэлиирим, тыаска-ууска хайдах реакциялыылларын көрөрүм. Мин үөрүүбэр бэркэ көтөн кэллибит», — диэтэ Дугуйдан Винокуров.
Дьокуускайга сылгылар Үс Хатыҥ территориятыгар аһыахтара, сынньаныахтара, оттон икки нэдиэлэнэн салгыы дойдуларыгар Өймөкөөҥҥө массыынанан айанныахтара. Чуолаан онтон Москва хайысхатынан стартка туруммуттара.
