Икки күнүнэн арҕааҥы циклоннар Саха сиригэр сылааһы аҕалыахтара. Субуотаҕа сорох улуустарга -1 кыраадыс буолуоҕа.
УГМС иһитиннэрбитинэн, бээтинсэҕэ өрөспүүбүлүкэ баһыйар өттүгэр сөҥүүтэ суох. Кыра хаар хотугулуу-арҕаа уонна арҕаа биллэн ааһыаҕа.
Бээтинсэҕэ киин улуустарга -10… -15 кыраадыс, арҕаа -3… -8, хотугулуу илин -20… -25. Субуотаҕа уонна өрөбүл күн киин улуустарга -7… -12, илин уонна хоту -12… -17, арҕааларга -1… -7 кыраадыс.
Дьокуускайга кулун тутар 14 күнүгэр күнүс -14… -16 кыраадыс. Өрөбүллэргэ -8… -10 кыраадыс.
This post was published on 13.03.2025 18:03 18:03