Уһун Күөл бөһүөлэгэр Тыа хаһаайыстыбатын күнэ бэлиэтэннэ. Бастыҥ үлэһиттэри чиэстээһин кэнниттэн түөлбэлэр икки ардыларыгар «Биэс бэһиэлэй кыргыттар» куонкурус ыытылынна.
Биэс түһүмэхтээх курэххэ барыта сэттэ түөлбэ кытынна. Түһүмэхтэр бииртэн биир интэриэһинэй, бэһиэлэй, сэргэх буоллулар. Ол курдук кээпэрэтиип чөчөгөйүнэн күөрчэх ытыйыы, сэппэрээтэр иитии, быаны өрүү, ким элбэх балыгы хастыыра барыта да тыа сирин дьахтарын күннээҕи түбүгэр сыһыаннаах буоллулар.
Куонкурус кэнниттэн олохтоох сынньанар киин үлэһиттэрэ тэрийбит олохтоох тэрилтэлэр, предпринимателлэр спонсордаан туруорбут бириистэринэн сүүйүүлээх оонньуу буолла. Ким 30000 сертификат, ким кууллаах балык, хортуоппуй, сорохтор араас өҥө, тыа хаһаайыстыбатын бородууксуйатын сүүйэн, үөрэн-көтөн тарҕастылар.
Любовь Трофимова, «Саҥа олох» хаһыат сайта, Чурапчы улууһа
