Россельхознадзор Саха сиринээҕи салаатын хонтуруолунан сыл саҕаланыаҕыттан кыраныысса таһыгар 5,5 туонна мамонт муоһун таһаарбыттар, үксүн Кытайга илдьибиттэр, диэн СИА иһитиннэрэр.
Уопсайынан, Кытайга хостонор мамонт муоһун кээмэйин 90%-на барар, диэн Саха сиринээҕи РСХН пресс-сулууспата иһитиннэрэр.
Дьокуускай аэропордун таһаҕас тиэнэр терминалын нөҥүө сыл аайы хас да туонна мамонт муоһа ааһар. Барыан иннинэ муостары үчүгэйдик көрөллөр, лицензиятын бэрэбиэркэлииллэр уонна ветеринарнай туоһуну ирдииллэр.
Арассыыйа — Аан дойдуга мамонт муоһун соҕотох таһааччы буоларын бэлиэтииллэр. Онуоха Саха сирин сиригэр- уотугар аан дойду саппааһын 80 %- тан тахса, ол аата 450 тыһыынча кэриҥэ туонна мамонт муоһа кэриҥэ. Бултааһынынан өрөспүүбүлүкэҕэ 13 арктическай оройуоннарга дьарыктанллар.