23 От ыйа 23.07
  • 20°
  • $ 87,78
  • 95,76

Сыл бүтүөр диэри тулаайах оҕолорго 121 кыбартыыраны үлэҕэ киллэриэхтэрэ

10:28, 06 декабря 2018
Текст:
Читайте нас на
Яндекс Новости
ЯДВ

Дьокуускайга тулаайах оҕолору уонна төрөппүт көрүүтэ-истиитэ суох хаалбыт оҕолору олорор дьиэнэн хааччыйыыга туһуламмыт миэрэлэри олоххо киллэрии салҕанар. Уокуруктааҕы дьаһалта эпиэкэ уонна попечительство салаатын чахчытынан, 2018 сыл тохсунньу 1 күнүттэн саҕалаан 139 киһини дьиэнэн хааччыйдылар. Быйыл уопсайа саҥа кыбартыыраларга 260 тулаайах оҕону көһөрүөхтэрэ.

“Тулаайах оҕолорго анаммыт дьиэлэр Газовиктар уул, 19 б, Воинскай уул, 19-2/1, Чехов уул, 77 дьиэлэригэр бааллар. Дьиэлэр санитарнай-тэхиньиичэскэй ирдэбилгэ эппиэттииллэр, санитарнай-тэхиньиичэскэй оборудование, уот билиитэтэ уонна учуоттуур прибор туруорулуннулар”, — диэн эпиэкэ уонна попечительство салаатын баай-дуол боппуруостарыгар кылаабынай исписэлииһэ Розалия Акимова иһитиннэрдэ.

Саҥа кыбартыыралар “2013-2017 сылларга тулаайах оҕолорго олорор дьиэни атыылаһыы эбэтэр тутуу” муниципальнай хос бырагыраама уонна “2018-2022 сылларга “Дьокуускай куорат” куораттааҕы уокуругун нэһилиэнньэтин олорор дьиэнэн хааччыйыы” муниципальнай бырагырааматын чэрчитинэн бэриллэр. Быйыл бу сыалга анаан 429 мөлүйүөн солкуобай көрүлүннэ.

Тустаах салаа үлэһиттэрэ бэлиэтииллэринэн, тулаайах оҕолор уонна төрөппүт көрүүтэ-истиитэ суох хаалбыт оҕолор реестрдэригэр учуокка туруон баҕалаах элбээбит. Ол курдук, 2017 с. бу кэмин кытта тэҥнээтэххэ, көрдөһүү 51 пуунунан элбээбит.

2018 сыл бүтүөр диэри Дьокуускайга тулаайах оҕолорго өссө 121 кыбартыыраны туттарыахтара.

СИА.

Следите за самым важным и интересным в Telegram-канале и WhatsApp-группе ЯСИА