Сыл бүтүөр диэри национальнай бырайыак чэрчитинэн өрөспүүбүлүкэҕэ икки улахан спортивнай эбийиэк үлэҕэ киириэ.
Федеральнай үбүнэн Горнай улууһун Бэрдьигэстээҕэр уонна Мэҥэ-Хаҥалас Аллара Бэстээҕэр элбэх функциялаах спортивнай комплекстар тутуллан, үлэҕэ киириэхтэрэ. «Үлэ былаан быһыытынан барар, эбийиэктэри ахсынньыга киллэриэхпит«, — диир спорт миниистирэ Семен Чердонов.
Бэрдьигэстээҕи комплекс 2,4 тыһ кв миэтэрэ иэннээх, 400 миэстэлээх трибуналаах спортивнай саалалаах, боксерскай, тренажернай сааллардаах. Аллара Бэстээхтээҕи комплекс бассейннаах, остуол оонньууларыгар, күрэхтэһиилэргэ саалалардаах буолуо.
Аллара Бэстээх бассейныгар оройуон, өрөспүүбүлүкэ таһымнаах күрэхтэр ыытыллар буолуохтара. Маныаха биир симиэнэҕэ 182 киһи дьарыктанар кыахтаах.
This post was published on 07.09.2020 14:08 14:08