18 Ыам ыйа 18.05
  • -7°
  • $ 104,68
  • 115,6

Сыл бүтүөр диэри 269 км айан суола үлэҕэ киириэҕэ

17:05, 02 ноября 2021
Текст:

Саха сиригэр  “Куттала суох уонна хаачыстыбалаах айан суола” национальнай бырайыак чэрчитинэн, быйылгы сыл бүтүөр диэри барыта 269,34 км айан суола үлэҕэ киириэҕэ. Мантан 221,08 км – республика, 48,26 км – Дьокуускай куорат суола буолар.

«Айан суолугар үчүгэй хаачыстыбалаах суол-иис оҥоһулуннаҕына, табыгастаах муосталар тутулуннахтарына, дьон олоҕун таһыма биллэ үрдүө этэ. Бу уларйыылар олоххо киирдэхтэринэ, регион экономиката, промышленноһа тупсар уонна сайдар кыахтаах”, — диэн Айсен Николаев чопчулаата.

Республикабыт киин куоратыгар суол тутуутун былаанын алтынньыга 100 % толорбуттара. Билигин регион үрдүнэн, 207,22 км суол тутуута түмүктэнэн, үлэҕэ киирэн турар. Сыл бүтүөн иннинэ эбии 13,86 км суол оҥоһуллара хаалла.

Дьокуускай куорат сиригэр-уотугар улахан ремонт олоччу түмүктэннэ. Окружной щоссе суолун капитальнайдык өрөмүөннээтилэр. Маны таһынан, өрөмүөн Старый покровский тракт уонна Иван Кульбертинов уулуссатыгар буолла. Табаҕа уонна Тулагы дэриэбинэлэригэр, элбэх оҕолоох ыаллар кварталларын дьиэҕэ киирэр суолларын оҥордулар.

Быйыл Дьокуускайга проспект Ленина уулуссатын өрөмүөнүн саҕалаатылар уонна 2023 сылга түмүктүүр былааннаахтар.

«Нам” суолугар массыынлаахтарга анаан:

Сырдах-Тулагино уһуна 4,16 км;

Аппааны – Хатырык 18,5 км;

Умнас – 20,50 км;

Хатассы – 4,87 км;

Маны таһынан асфальт суолун «Амма», «Анабаар». «Мюрю», «Бетюн», «Уолба-Булун», «Харбалах», «Оймякон» суолларыгар уурдулар.

Ил Дархан пресс-сулууспата

Сахагов сайтан

Следите за самым важным и интересным в Telegram-канале и WhatsApp-группе ЯСИА
0
0