«Кулума» култуура киинигэр Сыбаатай олохтоохторо «Мы вместе — мы рядом» аһымал аахсыйа тэрийдилэр. Барыта 345 тыһ. 520 солк киирдэ.
Үтүө хамсааһын Иккис Мээтис нэһилиэгиттэн төрүттээх 14 саастаах Влад Слепцов ыарахан ыарыыттан эмтэнэригэр ананна.
Ас-үөл атыыламмыт дьаарбаҥкатыгар — 68450, лотереяҕа — 26000, аҕыс торт оонньоммут аукционугар — 24600, кэнсиэркэ 105 000, улуус дьокутаата, Н.И.Шарин аатынан Орто Халыматааҕы орто оскуола дириэктэрэ К.А.Слепцова көҕүлээһининэн куорат тэрилтэлэрин күүһүнэн хомуллубут суума — 101 000, «Сказка» оҕо сайдар киинэ туһунан 15 500 уонна аһымал дьааһыкка үтүө сүрэхтээх дьонтон киирбит үбү холбоон, уопсай суума 345 тыһ. 520 солк тэҥнэстэ. Көмө үп өссө да киирэ турар, суруйда «Халыма долгуннара» хаһыат.
This post was published on 04.04.2024 12:34 12:34