22 От ыйа 22.07
  • 15°
  • $ 88,02
  • 96,04

Сыаганнаахха кыысчааҥҥа бөртөлүөт көттө

16:44, 19 июня 2018
Текст:
Читайте нас на
Яндекс Новости
ЯДВ

Суруналыыс уонна саха эмчитэ Лена Дьячковская—Сэниэ Илгэ «Абый Сыаганнааҕар оҕону быыһыы бөртөлүөт көтө охсуон наада», – диэн төбөлөөх суруга социальнай ситимнэргэ тарҕанна.

edersaas.ru

«Хоту дойду хонноҕор кый ыраах олорор дэриэбинэҕэ ааспыт бээтинсэттэн оскуола үөрэнээччитэ кыыс тииһэ ыалдьан эрэй бөҕөтүн көрөн эрэр. Миилэтэ, сирэйэ-хараҕа дарбаччы испит, көҕөрбүт, искэнэ улааппыт.
Ити туһунан миэхэ эбэтэ бассаапка суруйан кэпсээтэ», – диэн суруйар.

Улуус киинэ Үрүҥ Хайаттан 250 км тэйиччи сытар нэһилиэккэ стоматолог быраастара суох.

«Уйаандьы үрэҕинэн Индигир өрүскэ барар суол  суоҕун кэриэтэ, вездеход нэһиилэ сылдьар. Бу сирэйэ уп-улахан искэннэниэр диэри ыалдьыбыт оҕо хайдах 8 чаас мотуорканан айанныай? Оҕо соҕотох айанныыра эмиэ сатаммат. Эбээтэ арыаллаан барсыан наада. Ыалдьыбыт оҕо итинник айаны тулуйуо да биллибэт. Онон туох баар эрэллэрэ барыта бөртөлүөккэ эрэ буолла.
Бөртөлүөт хаһан кэлэрэ чопчу биллибэт эбит. Сэрэдэҕэ кэлиэхтээх диэн кэтэһэллэр да, кэлиэ эрэ кэлимиэ эрэ…

Абый Сыаганнааҕар тииһиттэн сылтаан хирургическай орооһуу эрэ үтүөрдэр буолбут кыысчааныгар бөртөлүөт түргэнник көтөн кэлэн абырыа дуо, үрүҥ тыынын өллөйдүө дуо?» – диэн ааптар бу суругу күүскэ тарҕатарга көрдөспүт.

Кыысчааҥҥа доруобуйатын түргэнник чөлүгэр түһэрэригэр баҕарыаҕыҥ. Дьиктитэ диэн, бу матырыйаалы суруйа олордохпуна, биир билэр киһим тииһин пломбалатан баран, хас да күн ыалдьан сордоммутун, пломбалаппыт поликлиникатыгар бүгүн тииһи ылбат күннэрэ эбитин туһунан үҥсэргээтэ. Бэл, улахан дьон тиис ыарыытыгар улахан болҕомтону уурбата, ээл-дээл сыһыаннаһара көстөн тахсар. Төһө ыраах олорортон, тугуҥ ыалдьарыттан тутулуга суох суһал көмөнү уталыппакка ыҥырарбытын умнумуоҕуҥ.

Надежда ЕГОРОВА, «Саха сирэ» хаһыат, edersaas.ru

4

0
Следите за самым важным и интересным в Telegram-канале и WhatsApp-группе ЯСИА