Саха сиригэр ыытыллыбыт быыбар түмүгүнэн куоластааһыҥҥа кыттыбыт 18 анал байыаннай дьайыы кыттыылааҕыттан, тоҕус киһи талылынна. Үс киһи муниципальнай тэриллиилэр баһылыктара, алта киһи — куорат уонна нэһилиэк Сэбиэттэрин депутаттара буоллулар. Бу туһунан регион Киин быыбардыыр хамыыһыйатыгар иһитиннэрдилэр.
Ол курдук, Өймөкөөн улууһун Аартык бөһүөлэгин баһылыгын дуоһунаһыгар кыайыылааҕынан СВО бэтэрээнэ, «Саха сирэ — геройдар сирдэрэ» бырагыраама кыттыылааҕа Василий Галуза буолла.
«Бөһүөлэк олохтоохторугар итэҕэлгит иһин махтанабын. Мин үлэм олохтоохтору кытта ыкса бииргэ үлэлээһиҥҥэ тутуллар. Мин бары баҕа санааны истиэм, тоҕо диэтэххэ, ханнык баҕарар тыа сирин көдьүүстээхтик сайыннарыы — бу хас биирдиибит уопсай үлэтэ», — диэн бэлиэтээтэ Василий Галуза.
This post was published on 17.09.2025 16:11 16:11