Дьокуускайга «RT.Док: Время героев» норуоттар ардыларынааҕы киинэ иккис бэстибээлин презентацията буолла. Манна анал байыаннай дьайыы туһунан икки киинэ көрдөрдүлэр.
Тэрээһиҥҥэ байыаннай кэрэспэдьиэннэр Руслан Гусаров уонна Семен Пегов кыттыыны ыллылар. Кинилэр көрөөччүлэргэ бэстибээл туһунан кэпсээтилэр уонна ыйытыыларга хоруйдаатылар.
«Биһиги «RT.Док: Время героев» бэстибээл икки киинэтин көрдүбүт: «Якутские БАРСы» уонна «Сила». «Муус Устар» бэстибээл чэрчитинэн ыытылынна. Олус үчүгэй дьаһал төрдүс сылын буолара үөрдэр. Көрөөччүлэри уонна Саха сириттэн СВО кыттыылаахтарын кытта көрүстүбүт, кэпсэттибит. Элбэх саҥаны биллибит», — диэтэ Руслан Гусаров.
