Саха сириттэн анал байыаннай дьаһалга кыттар байыастар дьиэ кэргэттэрин төлөпүөннэригэр СВО-ҕа сылдьар чугас киһилэрэ өлбүтүн эбэтэр бааһырбытын туһунан сымыйа звоноктар уонна смстар Украинаҕа регистрациялаах нүөмэрдэртэн кэлиэхтэрин сөп.
122 сулууспа салаайааччыта Мария Винокурова бэлиэтээбитинэн, официальнай иһитиннэриигэ эрэ итэҕэйэр наада. «Үгүстэр олус айманаллар, байыаннай сулууспалаах өр кэмҥэ сибээскэ таҕыспатаҕына. СВО кыттыылааҕа өлбүтүн эбэтэр бааһырбытын туһунан төлөпүөнүнэн биллэриилэр кэлиэхтэрин сөп. Оччоҕуна байыаннайдар чугас дьонноро элбэхтик иһитиннэрии кэлбит нүөмэригэр эрийэллэр. Оччоҕуна анараа өрүттэр ханнык сиртэн элбэх байыаннай баарын уонна чуолкай координаттарын билиэхтэрин сөп», – диэтэ Мария Винокурова.
Сулууспа салайааччыта ВСУ өттүттэн сымыйа сурах тарҕаммыт холобурун кэпсээтэ уонна провакациялыыр төлөпүөн звоногар уонна смска эппиэттээбэккитигэр көрдөһөр.
«Байыас чугас дьоно кэпсээбитинэн, кинилэргэ СВО-ҕа сылдьар чугас киһилэрэ өлбүтүн туһунан смс кэлбит. Иһитиннэрии Украинаҕа регистрациялаах нүөмэртэн ыытыллыбыт. Бэрэбиэркэ кэнниттэн биллибитинэн, сурах сымыйатачуолкайдаммыт. Байыаннай сулууспалаах тыыннаах уонна бойобуой соруктары салгыы толоро сылдьар»,– диэтэ Мария Винокурова.
