Салайааччы эппитинэн, хамыыһыйа федеральнайдааҕы уонна регионнааҕы үлэни, «Защитники Отечества» пуонда уонна да атын тэрилтэлэр үлэлэрин сүрүннүүрү күүһүрдүөхтээх, СВО кыттыылаахтарын уонна кинилэр дьиэ кэргэттэрин өйүүргэ.
«Өрөспүүбүлүкэҕэ регион сокуоннарыгар уонна баһылык ыйаахтарыгар олоҕуран, анал байыаннай дьайыы кыттыылаахтарын уонна кинилэр дьиэ кэргэттэрин өйүүргэ систиэмэлээх үлэ барар. 39 киһи байыаннай сулууспалаах эмтэнэр сиригэр бара сырытта. Медицина уонна социальнай эйгэ тэрилтэлэригэр СВО 1107 кыттыылааҕа уонна кинилэр дьиэ кэргэттэрэ реабилитация ааста», — диэтэ Георгий Степанов.
Кини эппитинэн, 177 ыал чааһынай дьиэлэрин гаастааһыҥҥа көмө ылла, СВО кыттыылааҕын 607 төрөппүтэ санаторнай-курортнай эмтэнии ааста. Үлэ көрдүүр уоргаҥҥа 733 киһи кэлэ сырытта, ол иһигэр 254 СВО кыттыылааҕа уонна бэтэрээнэ, 479 байыастар аймахтара. Олортон 155 киһи үөрэнэ барда уонна 415 киһи үлэҕэ киирдэ.
This post was published on 17.03.2025 15:51 15:51