Сергей Мандаров 2023 сыл сэтинньитигэр Оборуона министиэристибэтин кытта хантараак баттаһар. Сулууспатын штурмовиктар 57-с биригээдэлэрин састааптарыгар киирсэн ДНР Волновахскай оройуонугар бойобуой дьайыыга кыттар. Ыараханнык бааһырар, сыл реабилитацияланар, 2024 сыл сэтинньитигэр демобилизацияланар. Ыам ыйыгар III группалаах инбэлииккэ тахсар.
«Защитники Отечества» пуондаҕа бэтэрээҥҥэ биир кэлим көмө оҥоһуллар, уйулҕа уонна юридическай хайысхаларынан. Сергей Мандаров предпринимательствонан дьарыктанарга ылсар, «самозанятай» буолар. Билигин кини уопсастыбаннай аһылык хайысхатыгар бизнеһын сайыннарар, бэйэтэ комплекснай эбиэттэри буһарар, тириэрдэр.
