СВО зонатыгар Семен Васильев 2022 — 2024 сылларга хантараагынан сулууспалаабыта. Эрдэ оҥорон таһаарааччы уонна муниципальнай сулууспалаах улахан оскуолатын ааспыта.
Араас сылларга «Чолбон» ТХПК биригэдьиир-механигынан, Харбалаах нэһилиэгэр баһылыгынан, Эдьигээҥҥэ «Кыстатыам» МУТ дириэктэринэн, Нам улууһугар «Эт-Ас» ХЭУо дириэктэринэн, Дьокуускай куорат «Тыа хаһаайыстыбатын управлениета» МКУ дириэктэри солбуйааччытынан үлэлээбитэ.
Тыа хаһаайыстыбатын техникумун выпускнига. «Государственное и муниципальное управление» хайысхатыгар Уһук Илиннээҕи судаарыстыбаннай сулууспа академиятын бүтэрбитэ.
Ил Дархан Ил Түмэҥҥэ туһаайыытыгар биир сүрүн соругунан СВО бэтэрээннэрэ эйэлээх олоххо социальнай адаптацияларын сөпкө ыытар туһунан эппитэ. Айсен Николаев сорудаҕынан, «Время героев» федеральнайдааҕы бырагыраама атылыытынан региоҥҥа «Якутия – земля героев» кадр тосхоло үлэлиир.
This post was published on 03.04.2025 14:02 14:02