Саха сирин олохтоохторо анал байыаннай дьайыы буола турар сиригэр байыастарга анаан сааларын биэриэхтэрин сөп. ЯСИА-ҕа Росгвардия регионнааҕы управлениета эппитинэн, сааны тутуу дьаһала административнай хааччаҕа уонна ыстырааптыыр санкцията суох ыытыллар.
«Киһи саатын, пааспарын, көҥүлүн (РОХ) илдьэ отделга кэлэр, сотрудниктар наадалаах судаарыстыбаннай өҥөнү оҥороллор, оттон войсковой чаас бэрэстэбиитэлэ СВО-ҕа сылдьар Саха сирин уолаттарыгар сааны тириэрдэр», — биэдэмистибэҕэ эттилэр.
Сааны туттарыы кулун тутар 17 — 21 күннэригэр ыытыллар, Дьокуускай уонна Жатай Росгвардиятын лицензиялыыр-көҥүллүүр үлэ отделыгар, аадырыһа: Дзержинскай аатынан уулусса, 35/1 дьиэтэ.
This post was published on 14.03.2025 14:03 14:03