Техниканы, оснащениены, дизель ыстаансыйатын уонна генераторы анал байыаннай дьайыыга инники кирбиигэ сылдьар байыастарга Саха сирин бырабыыталыстыбатын бэрэссэдээтэлэ Кирилл Бычков тириэртэ. Өрөспүүбүлүкэттэн бойобуой соругу оҥоро сылдьар бэһис Армия разведка батальонугар сулууспалааччылары кытта көрүстэ.
«Дойдуларыгар кэлэн үлэлиир былааннарын туһунан кэпсэттибит. Билигин СВО бэтэрээннэрин үлэнэн хааччыйыыга ханнык миэрэлэр үлэлииллэрин, дьиэ-уот боппуруоһун туһунан кэпсэттибит. Кинилэр геройдуу кылааттара сыаналаныахтаах»,
— диэтэ премьер-миниистир.
Бычков байыастарга Аҕа дойду улуу сэриитигэр Кыайыы 80 сылынан бырааһынньыктааҕы баһыылкалары тиксэрдэ. Уолаттар махтаннылар, сулууспа туһунан кэпсээтилэр уонна дойдуларыгар эҕэрдэ ыыттылар.
