Сууккаҕа 520 киһи коронавируһунан ыарыйда

Өрөспүүбүлүкэ оперштабын дааннайынан, атырдьах ыйын 19 күнүгэр, коронавирус 520 саҥа түбэлтэтин булбуттар. Ити кулун тутар 9 күнүттэн ыла муҥутуур көрдөрүү, оччолорго COVID-19 ыарыыны 425 киһиэхэ бигэргэппиттэрэ.

Саамай элбэх киһи Дьокуускайга хаптарбыт– 390.

Оррйуоннарга: Мэҥэ-Хаҥаласка – 21;

Мииринэйгэ – 18;

Хаҥаласка – 15;

Намҥа-9;

Ньурбаҕа – 8;

Үөһээ Бүлүүгэ, Ленскэйгэ – 7-лии;

Сунтаар, Чурапчы оройуоннарыгар-5- тии;

Алдан, Горнай, Өймөкөөн, Таатта, Томпо оройуоннарыгар — 4-түү;

Бүлүү, Муома, Уус-Алдан, Уус-Майа улуустарыгар — 3-түү;

Нерюнгри оройуонугар – 2;

Аммаҕа – 1.

Оперштаб Саха сирин олохтоохторун барыларын бириэмэтигэр ревакцинация оҥороллоругар ыҥыраллар. Вакцинация таһыма намыһах диэн: Алдан, Дьааҥы, Горнай, Кэбээйи, Мэҥэ- Хаҥалас, Мииринэй, Нам, Нерюнгри, Орто Халыма, Өймөкөөн уонна Хаҥалас оройуоннарыгар, ону тэҥэ Дьокуускайга бэлиэтииллэр.

Сууккаҕа өрөспүүбүлүкэ лабораториялара коронавируснай инфекцияҕа 3548 чинчийиини ыыппыттар. Пандемия саҕаланыаҕыттан барыта 2 464 737 тест оҥоһуллубут.