Саха биллэр суруналыыһа, поэт, суруйааччы Борис Павлов – Борис Кэм «Не предать время свое» кинигэтинэн Москваҕа Василий Белов аатынан бириэмийэ лауреата буолла.
Ааптар араас сылларга суруйбут кэпсээннэрэ уонна «Кэмҥин түһэн биэримэ» диэн 2022 сыллаахха суруйбут сэһэнэ киллэриллибиттэрэ. Суруйааччы бу кинигэтигэр бэйэтин көлүөнэтин олоҕун уус-ураннык аһаҕастык кэпсээн, ааҕааччы киэҥ араҥатын сэҥээриитин ылыан ылбыта.
Нууччалыы тылбаастарын Аита Шапошникова, Алексей Амбросьев уонна Семен Феоктистов оҥорбуттара. Кинигэ таһыгар Антонина Шадрина хартыыната туруоруллубута.
Кинигэ «Не предать свое время» диэн тылбаастанан, 2023 сыллаахха Суруйааччылар интернациональнай сойуустара «Диалог» сиэрийэнэн, нуучча биллииллээх суруйааччыта Василий Белов аатынан бириэмийэ чэрчитинэн тахсыбыта. 5000 ахсаанынан тахсыбыт дьоһуннаах кинигэтэ Арассыыйа куораттарыгар күүскэ тарҕаммыт. Ону таһынан, Литрес диэн цифровой сервискэ эмиэ тахсыбыта.
-Кинигэм «Кэмҥин түһэн биэримэ» диэн. Бэйэ аат-суол туһугар диэн буолбакка, ааспыт кэмим, көлүөнэм, эрэммит эрэлбит, ыра санаабыт, доҕордоспут доҕотторум, охсуспут охсуһуубут…
Көлүөнэм дьонун, олохпут кырдьыгын үйэтитии уонна көмүскээһин. Ол иһин, бу Москваҕа тиийэ ааттаммытым миэхэ күндү, — диэн санаатын үллэстэр Борис Павлов.
Эльдар Садовников
