16 От ыйа 16.07
  • 28°
  • $ 87,81
  • 95,78

Сураҕа суох сүппүттэр көһүннүлэр

16:00, 05 марта 2018
Текст:
Читайте нас на
Яндекс Новости
ЯДВ

Полиция оперативниктара сураҕа суох сүппүтүнэн ааҕыллар хас да киһини буллулар. Хата, тыыннаахтар, этэҥҥэлэр.


СӨ ИДьМ-тын пресс-сулууспата иһитиннэрбитинэн, Аҕа дойду көмүскээччилэрин күнүгэр Дьокуускай куорат 34 саастаах олохтооҕо дьиэтиттэн тахсан барбыт. Сүттэ диэн тыллабыр киирбит. Нэдиэлэ буолан баран, кинини табаарыстарыгар баарын булбуттар.

Олунньу 27 күнүгэр киин куорат олохтооҕо 32 саастаах ойоҕо сүппүтүн туһунан полицияҕа тыллаабыт. Бу дьахтары балыыһаттан булбуттар.

Олунньу 22 күнүгэр 14 саастаах кыыс сүтэн, төрөппүттэрин аймаабыт — сотору кэминэн бу оҕону доҕотторугар сылдьарын булбуттар.

Полиция сэрэтэр: өскөтүн чугас киһиҥ сүттэҕинэ, олорор сириҥ Ис дьыалаҕа отделыгар кэлэн, бэйэҥ докумуоҥҥун көрдөрөҕүн уонна сүппүт киһини туоһулуур докумуоннары аҕалаҕын. 

Маныаха бу киһи тас көрүҥүн сиһилии, үчүгэйдик ойуулаан биэриэхтээххин, хаартыскатын илдьэ кэлиэхтээххин. Тугунан дьарыктанарын, майгытын-сигилитин, сыһыаҥҥытын, кимнээҕи кытта алтыһарын, ханна тиийиэн сөбүн — быһата, кини туһунан тугу билэргитин барытын ыраас мууска ууран биэрэҕит.

Быраабы араҥаччылыыр уорганнарга төһөнөн түргэнник биллэрэҕит да, соччонон сүппүт киһини көрдөөһүн суһаллык саҕаланар.

Маны таһынан: убаастабыллаах гражданнар! Бука диэн, ханна бараргытын-кэлэргитин чугас дьоҥҥутугар этэр буолуҥ, кинилэри долгутумаҥ, аймаамаҥ. Ордук чуолаан, оҕолоргутугар болҕомтоҕутун ууруҥ — уулуссаҕа, онно-манна төрөппүт хонтуруола суох сылдьан, буруйу оҥоруу сиэртибэтэ да буолуохтарын сөп эбэтэр бэйэлэрэ сокуону кэһиэхтэрин сөп.
Следите за самым важным и интересным в Telegram-канале и WhatsApp-группе ЯСИА
Тутаах тыллар