14 От ыйа 14.07
  • 31°
  • $ 87,74
  • 95,76

Суолга тахсыбыт быһылааҥҥа массыына дьахтары хам баттаата

15:25, 02 августа 2016
Текст:
Читайте нас на
Яндекс Новости
ЯДВ

«УАЗ 31519» массыынанан айаннаан испит суоппар Лермонтов уонна Свердлов аатынан уулуссалар быһа охсуһууларыгар хаҥас диэки салайарыгар «Тойота Камри» массыынаны кытта харсыста. Бу түмүгэр УАЗ ойоҕоһугар оҕунна, ити охторугар суол быһа охсуһуутугар турар «Тойота Корона Премио» массыынаны хаарыйда.


«УАЗ-ка олорсон испит 51 саастаах дьахтар охсууттан сиргэ түстэ, массыына  сууллан кинини хам баттаата. Суһал медицинскэй көмө эмсэҕэлээбит дьахтары өрөспүүбүлүкэтээҕи балыыһаҕа илтэ. Оттон суоппар төбөтүн эчэттэ», — диэн суолга куттал суох буолуутун хааччыйар үлэһиттэр иһитиннэрдилэр.

Суоппардар быһылаан кэмигэр арыгы испэтэхтэрэ билиннэ. «УАЗ»-таах киһи утары иһэр массыынаны көрбөтөҕүн туһунан этэр.

«Суолга иэдээн тахсыбатын туһугар суоппардар уонна пассажирдар көмүскүүр курунан бэйэлэрин туттаралларыгар ыҥырар. Куру баанан олорбут киһи өлүүттэн, доруобуйата улаханнык эчэйэриттэн быыһаныан сөп. Утары харсыһыыга кур кутталы 2-2,5 төгүл аччатар, ойоҕоһунан охсуллууга — 1,8 төгүл, түҥнэстиигэ — 5 төгүл», — диэн суолга куттал суох буолуутун хааччыйар үлэһиттэр этэллэр.

Следите за самым важным и интересным в Telegram-канале и WhatsApp-группе ЯСИА