25 От ыйа 25.07
  • 24°
  • $ 86,55
  • 94,38

"Суолдьут сулус" бириэмийэни Үөһээ Бүлүү улууһун педагога Саргылаана Ильина тутта

15:02, 03 июня 2021
Текст:
Читайте нас на
Яндекс Новости
ЯДВ

Аан дойду үрдүнэн Оҕо көмүскэлин күнүгэр кэнчээри ыччаты иитиигэ, сайыннарыыга айымньылаахтык үлэлэһэр СР оҕо хамсааһынын бастыҥ 4 салайааччытыгар «Суолдьут сулус» диэн анал аат бириэмийэ туттарыллыытын үөрүлээх чааһа Дьокуускай куоракка ыытылынна, суруйда https://www.instagram.com/admvervil/


«Суолдьут сулус» бириэмийэни былырыын дьон-сэргэ туһугар бэриниилээх, айымньылаах үлэни ыыппыт, кэнчээри ыччакка ураты суолтаны уурбут дьоһун дьоммут Нина Протопопова, Фатия Авдеева, Елена Дмитриенко (Казахстан), Маргарита Петрова сырдык ааттарын үйэтитэр сыаллаах олохтообуттара кэрэхсэбиллээх.

Бу үрдүкү бириэмийэҕэ, Маргарита Петрова суолдьут сулуһугар Үөһээ Бүлүү улууһуттан «Тускул» оҕо киинин «Сомоҕо» оҕо хамсааһынын методиһа, СР ыччат политикатын туйгуна, «За вклад в развитие детского движения РС (Я) бэлиэ хаһаайката Саргылана Лукична Ильина тигистэ.

Маргарита Петрова аатынан бириэмийэ — далааһыннаах тэрээһиннэри, үгүс ыччаты түмэр, баай ис хоһоонноох үлэҕэ сирдиир аналлаах марафоннары, эспэдииссийэлэри, кэмпириэнсийэлэри тэрийбит, нэһилиэнньэ, тулалыыр эйгэ туһугар араас хабааннаах дьаһаллары ыыппыт оҕо түмсүүтүн салайааччыларыгар ананар.

Геннадий Охлопков, СӨ Оҕолорун уопсастыбаннай холбоһуктарын сойууһун бэрэссэдээтэлэ:

— Саргылана Ильина — улуус таһымыгар оҕо түмсүүлэрин сүрүннээччи буолар. Айар үлэҕэ, култуураҕа, тэлэбиидэнньэ эйгэтигэр чугас буолан, саҥаны тобулар, дьоһуннааҕы тэрийэр ураты сатабыллаах. Кини ылсыбыта барыта ыпсарыылаах, тутуспута барыта тупсаҕай буолар дьиктилээх. Этэргэ дылы, бэйэтин миэстэтигэр, бэйэтин кэмигэр айа-тута сылдьар. Кини көҕүлээһининэн уонна тэрийиитинэн уол оҕолорго аналлаах өрөспүүбүлүкэтээҕи «Басхан» дьыалабыай оонньуу бастакытын ыытылынна. Киэҥ сэҥээриини ылбыт ыччаттарбытын тургутан көрөр тэрээһин сонун хамсааһыҥҥа кубулуйар кэскиллээҕиттэн олус үөрэбит.

Следите за самым важным и интересным в Telegram-канале и WhatsApp-группе ЯСИА