23 От ыйа 23.07
  • 20°
  • $ 87,78
  • 95,76

Сунтаартан төрүттээх Сүүрүк Балбаара Москваҕа хаалыктаах хаамта

10:15, 03 октября 2019
Текст:
Читайте нас на
Яндекс Новости
ЯДВ

Москваҕа хаалыктаах хаамыыга аан дойду Кубогар күрэхтэстилэр. Кыттааччылар саастарынан сааһылаһан 5 уонна 10 км хаамтылар. Саха сирин «Стимул» кулууп икки чилиэнэ көмүскээтэ. 


Москваҕа буолбут хаалыктаах хаамыы күрэхтэһиитигэр 70-тан үөһэ саастаахтар 5 км хаамыыларыгар 41 мүн. 37 сөк. кэлбит Ирина Григорьева бастаабыт. Иккис миэстэҕэ – Татьяна Борзова, көрдөрүүтэ 42 мүн. 07 сөк. Үһүс бочуоттаах миэстэ хаһаайынынан, бэтэрээннэр сүүрүүлэригэр аан дойду, Европа чөмпүйүөнкэтэ, призера, Арассыыйаҕа хаста да бастаабыт В.Г.Макарова-Сүүрүк Балбаара тиксибит. Кини, иккистээбит киһиттэн баара-суоҕа 11 эрэ сөкүүндэнэн хаалан, итиччэ дистанцияны 42 мүн. 18 сөкүүндэнэн кэллэ.

Сүүрүк Балбаара биэтэккэ кэлбитигэр Москва тэлэбиидэнньэтин кэрэспэдьиэннэрэ ыйыталаһан, туоһулаһан интервью ыла охсубуттар. Онон Сахатын сирин ааттаппыт быһый атахтаах спортсменканы Арассыыйа тэлэбиидэнньэтин ханаалыгар көрүөхпүт.

Сунтаар улууһугар хаалыктаах хаамыыга аан бастаан «Чэбдик» кулуубу тэрийбит биир дойдулаахпытын саҥа кыайыытынан эҕэрдэлиибит.

Ааптар: Иван Чагдинскай, «Сунтаар сонуннара» хаһыат, Сунтаар улууһа

Следите за самым важным и интересным в Telegram-канале и WhatsApp-группе ЯСИА
Тутаах тыллар