24 От ыйа 24.07
  • 29°
  • $ 87,3
  • 95,46

Сунтаарга эстрада лааҕыра

09:00, 10 августа 2016
Текст:
Читайте нас на
Яндекс Новости
ЯДВ

Сайыҥҥы кэмҥэ оскуола үөрэнээч-илэрэ дьарыктаах буолалларыгар сыал-сорук туруорунан араас үлэ, сынньалаҥ лааҕырдара аһыллан үлэлииллэр. Олортон биирдэстэринэн эстраднай-вокальнай лааҕыр буолар. Атырдьах ыйын 1 күнүттэн 13 күнүгэр диэри улууспут араас нэһилиэктэриттэн ыллыан баҕалаах 21 оҕо кэлэн бу лааҕырга дьарыктана сылдьар.


Лааҕыр сүрүн сыала диэн оҕолорго эстраднай ырыаны үөрэтии, айар куту уһугуннарыы, искусство араас хайысхаларын, жанрдарын билиһиннэрии буолар. Манна биир дойдулаахпыт, эстрада ырыаһыта Ирена Файрушина салайаччынан үлэлиир. Эстрада биир чаҕылхай ырыаһыта Эрчим оҕолору сөпкө саҥарарга үөрэтэр. Юлия Филиппова музыкальнай салайааччынан үлэлии сылдьар. Кини оҕолору нотнай грамотаҕа уһуйар эбит. Оҕолор сарсыардаттан киэһээҥҥэ диэри үксүн ырыанан дьарыктаналлар. Лааҕыр-дарын түмүктүүллэригэр улахан кэнсиэр оҥоруохтара. Онтуларыгар репертуардарарын тала, ырыа үөрэтэ сылдьаллар. Номнуо иккис ырыаларын үөрэппиттэр.

«Бу бастакы холонуубут. Ирена бэйэтин баҕатынан, бастаан дойдутугар Сунтаарга тэрийдэ. Мин көмөлөһөөччү быһыытынан сылдьабын. Бастаан биһиэхэ Сунтаар улууһун дьаһалтата «биһиэхэ кэлэн оҕолору дьарыктыаххыт дуо?» диэн көрдөһүүлээх тахсыбытыгар сөбүлэспиппит. Билигин улуус дьаһалтатын, култуура, үөрэҕирии управлениеларын кытары ыкса ситимнээн үлэлэһэ сылдьабыт. Сайаапкалар киирэн лааҕырбыт түргэнник туолбута. Оҕолор баҕа-лаахтар, сөбүлүүл-лэр. Саамай кырабыт 6 саастаах, улахам-мыт 16 саастаах. 17 кыыс, 4 уол дьарыктана сылдьаллар. Лааҕырбытын кэлэр сылга арыый кэҥэппит киһи диэн баҕа санаалаахпыт. Саастарынан бөлөхтөргө араартаан игин. Сатаннаҕына, улахан дьоҥҥо эмиэ аһыахпытын баҕарабыт. Бу быйылгы сезоммутун хайдах түмүктүүрбүтүттэн көрүөхпүт» – диэн Эрчим кэпсиир.

Эстраднай-вокальнай лааҕыр буоларын быһыытынан атырдьах ыйын 12 күнүгэр күнүс 2 чааска Олоҥхо дьиэтигэр түмүктүүр отчуоттуур кэнсиэр буолуоҕа. Манна лааҕырга дьарыктаммыт оҕолор тугу үөрэммиттэрин көрдөрүөхтэрэ.

Следите за самым важным и интересным в Telegram-канале и WhatsApp-группе ЯСИА