19 От ыйа 19.07
  • 16°
  • $ 87,88
  • 96,1

Сунтаарга аҕам саастаах дьон оҥоһуктарынан быыстапка тэрийдилэр

Читайте нас на
Яндекс Новости
ЯДВ

Сунтаарга аҕам саастаах дьон дэкээдэтин чэрчитинэн, С.А.Зверев- Кыыл Уолун аатынан УНАК быыстапкалыыр саалатыгар “Кырдьарга бэриммэт дьоҕур, талаан” диэн быыстапка көрдөрүүгэ турда.

Сунтаар нэһилиэгин айар-тутар аҕа саастаах дьон оҥоһуктарын, үлэлэрин хомуйан кэрэхсэбилээх быыстапканы тэрийдилэр.

Галина Васильева — быыстапка тэрийээччитэ, С.А.Зверев-Кыыл Уолун аатынан УНАК фольклорга салаатын исписэлииһэ:

“Биһиги кииммитигэр айар үлэ быыстапкаларын тэрийэр үтүө үгэстээхпит. Бүгүҥҥү быыстапкабытыгар аҕам саастаах дьон бэйэлэрин үлэлэрин көрдөрүүгэ аҕаллылар. Уопсайа 16 киһи үлэтэ турда. Манна быысапкаттан үлэлэр, уруһуй хартыыналара, кыбытык тигиилэр, мастан-туостан оҥоһуктар уо.д.а үлэлэр бааллар. Аттыбытыгар сылдьар, көхтөөх кыттааччыларбыт айар-тутар дьоҕурдаахтарын билэбит. Ол эрээри бу быыстапкаҕа саҥа үлэлэрин көрдөрүүгэ аҕаллылар. Бу курдук, айар-тутар талааннаах, дьоҕурдаах аҕам саастаах дьоммут элбии турдуннар диэн баҕа санаалаахпыт. Айар талааннаах дьону кытта биһиги ыкса сибээстээхтик үлэлиибит. Онон айар куттаах дьон биһиэхэ кыбыстыбакка биллиэххитин сөп. Биһиги ааммыт мэлдьи аһаҕас ”.

Быыстапка алтынньы 11 күнүгэр диэри туруоҕа. Ким баҕалаах кэлэн көрүөн сөп. Киирии босхо.

Мира Афанасьева, Сунтаар сонуннара

Следите за самым важным и интересным в Telegram-канале и WhatsApp-группе ЯСИА
Тутаах тыллар