2016 сыл өрөспүүбүлүкэҕэ «Нэһилиэнньэлээх пууннары тупсарыы» сылынан биллэриллэн турар. Ол аата дьиэ иһиттэн саҕалаан дьон олоҕун хаачыстыбатын тупсарыыга үлэ туһаайыллыахтаах. Улуустарга билигин былаан ылыллан, үлэ тэтимирэн эрэр.
«Сунтаар улууһугар нэһилиэнньэлээх пууннар территорияларын тупсаран оҥоруу субсидиятыгар хайдах хапсыахха сөбүн туһунан улуус дьаһалтатын промышленноска отделын начальнига И.В. Семенов иһитиннэрдэ«, — диэн улуус баһылыгын көмөлөһөөччүтэ Тимур Иванов иһитиннэрдэ.
«Алмаасэргиэнбаан» Сунтаардааҕы эбии офиһын салайааччыта Э.П. Николаева баан толору хааччыллыылаах дьиэлэниэн уонна территорияларын тупсарыан баҕалаах дьоҥҥо кредити биэрии туһунан кэпсээтэ.
Субсидияны сөпкө туһаныы туһунан субсидия агентствотын начальнига Е.Е. Павлов сырдатта.
Онон сунтаардар туох-ханнык үлэни ыыттахтарына сылы кыайыылаах туоруулларын улуус дьаһалтатын планеркаитыгар сүбэлэстилэр.
This post was published on 01.03.2016 14:49 14:49