Бу күннэргэ социальнай ситимнэринэн мииринэйдэр бу кэлэн иһэр 2023 сылы салюта, фейерверэ суох чуумпутук көрсүөҕүҥ диэн ыҥырыылара тарҕанна. Үгүс дьон бу ыҥырыыны өйөөтө, диэн Саха сирэ суруйар.
Сунтаар улууһун дьаһалтата нэһилиэктэр баһылыктарын кытта сүбэлэһэн баран, Саҥа дьыллааҕы тэрилтэлэр корпоративтарын ыытыыны уонна улахан салюту ытары тохтоторго быһаарыммыттарын улуус дьаһалтатын пресс-сулууспата иһитиннэрдэ.
«Оскуола оҕолорун, уһуйаан иитиллээччилэрин утренниктара кэминэн барыаҕа. Дойдуга буола турар балаһыанньанан сибээстээн, нэһилиэнньэ өйдүө диэн эрэнэбит», — диэн эбэн эттилэр.
Ааптар: Анивера Акимова
This post was published on 21.11.2022 12:03 12:03