«Тойбохой» тыа хаһаайыстыбатын кээпэрэтиибэ быйылгы хомууртан уотурбаны оҥорон саҕалаата. Сунтаар улууһун Тойбохой сэлиэнньэтигэр сүөһү эбии аһылыгын бэлэмниир дьоҕус собуот быйыл олунньу ыйга үлэҕэ киирбитэ.
Тыа хаһаайыстыбатын министиэристибэтэ иһитиннэрбитинэн, тэрилтэ уотурбаны оҥороругар сэлиэһинэйи, ньэчимиэни, эбиэһи туттар, манна эбии иҥэмтиэтин үрдэтээри соломону, Кэмпэндээйи тууһун уонна цеолит мээккэтин эбэр.
Көтөрүнэн, сүөһүнэн дьарыктанар дьон бэйэ сиригэр-уотугар оҥоһуллан тахсыбыт бородууксуйаны сөбүлээн ылар. Күҥҥэ 4-5 туонна бэлэм аһылыгы оҥорон таһаараллар. Собуокка биир операторы кытта үс киһи үлэлиир. Куулламмыт, бүтэйдии тигиллибит уотурбаны сакаасчыттар күннэтэ сакаастаһаллар.
