Быйыл от ыйын саҕаланыыта Дьокуускайга норуоттар икки ардыларынааҕы «Азия оҕолоро» VI спортивнай оонньуулара ыытыллыаҕа. Быйыл саас Киһилээх хайатыттан оонньуулар уоттарын уматан, өрөспүүбүлүкэбит улуустарынан эстафетаны саҕалаабыттара.
Үгүс улууһу кэрийэн, бу нэдиэлэ бүтүүтэ оонньуулар уоттара биһиги улууспутугар кэлиэҕэ. Уот Мииринэйтэн кэлэн Кириэстээх, Тойбохой (манна хонор), Сунтаар (хонор), Элгээйи нэһилиэктэригэр сылдьыаҕа. Инньэ гынан, улууспутугар хас да хонуоҕа. Ааттаммыт нэһилиэктэр олохтоохторо оонньуулар уоттарын үрдүк таһымнаахтык көрсүөхтэрэ.
