Сунтаардар ис суоллар айанньыттарга кыһалҕаны үөскэппэттэригэр үлэни ыыталлар

Күн-түүн кыстык хаар ууллан, Сунтаар улууһугар айан суола уустугурар, суруйар @suntaar_ulus

Сайыҥҥы, кыһыҥҥы муниципальнай суолу улуус дьаһалтатын тутууга управлениета көрөр-истэр. Ааспыт сезоҥҥа Тэҥкэ, Уһун-Күөл суолларыгар улахан өрөмүөн үлэтэ барбыта.

Бу нэдиэлэ устата сааскы уу-хаар суолу алдьаппатын туһугар МУП АТП тэрилтэтин кытта биир ситимнээхтик үлэлээн, суол кытыытынааҕы хаары ыраастанна. Ону тэҥэ Бүлүүчээн муостатыгар эмиэ күргүөмнээх үлэ барда.

Маны тэҥэ «Куттала суох хаачыстыбалаах суол» национальнай бырайыагынан Кэмпэндээйи суолугар үс муоста оҥоһулла турар. Үлэни «Строй-Мост» тэрилтэтэ ыытар. Манна суббэдэрээтинэн «Айан Суол», «Сунтарцеолит» тэрилтэлэрэ үлэлэһэллэр.