Балаҕан ыйыттан Сунтаардааҕы ОДьКХ тимири быһар «Стартик-1А» портальнай станогу туттар, СИА суруйар.
Портальнай станогу үлэҕэ туттуу көдьүүстээх соругу толорор — хочуоллары өрөмүөннүүр итиэннэ саппаас чаастары оҥорор, диэн Сунтаардааҕы хаһаайыстыба кэпсээтэ.
Кылаабынай инженер Степан Егоров салайааччылаах бөлөх станогы иккис ыйын туттар уонна билигин үчүгэй түмүктэр баалларын бэлиэтиир.
«Бастаан чертеж оҥоһуллар. Ол кэннэ техник-программист компьютерга киллэрэр. Салгыы тимири быһыы саҕаланар», — диэн кэпсээтэ филиал дириэктэрэ Михаил Петров.
Икки хочуол агрегата өрөмүөннэннэ. Сыл бүтүөр диэри өссө түөрт хочуолу өрөмүөннүүр былааннаахтар.
This post was published on 12.11.2020 16:02 16:02