26 От ыйа 26.07
  • 20°
  • $ 85,41
  • 93,17

Сунтаар улууһун ыалларыгар баһаартан сэрэтэр тэриллэри туруораллар

18:03, 03 октября 2023
Читайте нас на
Яндекс Новости
ЯДВ

«Предупреди пожар – установи АДПИ» диэн аахсыйа 2018 сылтан ыытыллар. Бу аахсыйа көмөтүнэн элбэх оҕолоох ыалларга, бэтэрээннэргэ, инбэлииттэргэ баһаар буолбутун тута биллэрэр (АДПИ) тэриллэри туруоруу күүскэ барар. Сунтаар улууһугар бу хамсааһыҥҥа нэһилиэктэр көхтөөхтүк кытталлар. Бу туһунан «Сунтаар сонуннара» суруйар.

— Сунтаар улууһун үрдүнэн 2248 устуука АДПИ туруоруллубута. Бу сылга 428 устуука эбии туруораллара былаан баар. Нэһилиэктэр бу хамсааһыҥҥа көхтөөхтүк кытталларын бэлиэтиэххэ наада. Холобур, Тэҥкэ уонна Туойдаах нэһилиэктэрэ 100% ылан, ыалларынан иилэн биэрбиттэрэ хайҕабыллаах.

Биһиги баһаары утары үлэҕэ оскуолаларынан, ыалынан сылдьан бу тэрил туһунан элбэхтик билиһиннэрэбит, туох көдьүүстээҕин өссө төгүл иһитиннэрэбит.

Бу сыл бүтүөр диэри «Предупреди пожар — установи АДПИ» социальнай аахсыйа салҕанан бара турар. Онон тэрилтэ салайааччыларын, үлэһиттэрин бу аахсыйаҕа кыттыаҕыҥ диэн ыҥырабыт, — диэтэ улуустааҕы баһаарынай сулууспа үлэһитэ Ольга Иванова-Алексеева.

АДПИ тэрил көмөтө олус улахан. Холобур, хас да улууска бу тэрил эрдэ тыаһаабытын түмүгэр, баһаартан элбэх киһи быыһаммыта. Онон тустаах тэрили туруортарар ордук.

Яина Власьева, Сунтаар сонуннара

Следите за самым важным и интересным в Telegram-канале и WhatsApp-группе ЯСИА
Тутаах тыллар