21 От ыйа 21.07
  • 23°
  • $ 88,02
  • 96,04

Сунтаар улууһун саҥа олохтоохторо бастакы докумуоннарын туттулар

11:38, 17 мая 2016
Текст:
Читайте нас на
Яндекс Новости
ЯДВ

Сунтаар улууһунааҕы төрүүр дьиэттэн 4 кырачаан үөрүүлээх быһыыга-майгыга бу күннэргэ дьиэлэригэр таҕыстылар.


Улууспут саҥа олохтоохторо кимнээх эбиттэрий? Саҥа кып-кырачаан Сандаара Кириэстээх нэһилиэгин олохтооҕо Валерия Ро-мановаҕа төрдүс оҕо. Максим диэн ааты ылбыт уолчаан Күндэйэ ыаллара Евдокия Макарова, Александр Иванов сэттис оҕолоро. Тойбохой олохтоохторо Светлана Дорофеева, Яков Захаров үһүс оҕолоро Сандалы бу күн төрүүр дьиэ кэлэктиибэ эмиэ үөрүүлээхтик дьиэлэригэр атаардылар. Эдэркээн ийэ Сааскылаана Тоскина бастакы уол оҕотун Кирилл диэн ааттаабыт.

ГТАС Сунтаардааҕы отделын салайааччыта Анна Григорьева кырачааннарга РФ гражданнара буолбуттарын туоһулуур бастакы докумуоннарын – төрөөбүттэрин туһунан сибидиэтэлистибэлэрин туттартаата. Улуус баһылыгын социальнай боппуруостарга уонна имиджевай политикаҕа солбуйааччы Ульяна Попова кырачааннары уонна кинилэр төрөппүттэрин эҕэрдэлээн туран, улуус баһылыгын аатыттан Эҕэрдэ суруктары сэргэ оонньуурдары бэлэхтээтэ. Маны сэргэ олорор нэһилиэктэрин дьаһалтатыттан нэһилиэк саҥа олохтоохторугар бары үтүөнү, сырдыгы баҕаран туран бэлэх ыыппыттарын, ГТАС салайааччыта, төрүүр дьиэ кэлэктиибэ эмиэ саҥа төрөөбүттэргэ бэриллэр бэлэхтэрин үөрэ-көтө туттардылар.

Төрүүр дьиэ маҥан халааттаах аанньаллара кырачааннарга дьоллоох оҕо сааһы, төрөппүттэргэ иһирэх, сылаас тапталгытынан оҕолоргутун иитиҥ, дьон бэрдэ гына улаатыннарыҥ диэн алгыы хааллылар.

Следите за самым важным и интересным в Telegram-канале и WhatsApp-группе ЯСИА
Тутаах тыллар