24 Тохсунньу 24.01
  • -48°
  • $ 73,82
  • 83,32

Сунтаар улууһун үрдүнэн 400 тахса оҕо бастакы кылааска киирдэ

12:15, 02 сентября 2016
Текст:

Бэҕэһээ, ол эбэтэр балаҕан ыйын 1 күнүгэр, дойду үрдүнэн Билии күнүн бэлиэтээн саҥа 2016-2017 үҥрэх дьылыгар киирдибит. Биһиэхэ, Сунтаарга, олус бэрт, сайыҥҥылыы күн туран бырааһынньыктыы кэлбит оҕо-лор, учууталлар, төрөппүттэр, ыҥырыылаах ыалдьыттар өссө эбии үөрүү-көтүү аргыстаммыттар.


Улуус оскуолаларыгар улуус салалтатыттан, өрөспүү-бүлүкэттэн үрдүк сололоох биир дойдулаахтарбыт сылдьан эҕэрдэлээтилэр. Ол курдук, Сунтаардааҕы 1 №-дээх оскуола үөрэнээччилэрин, учууталларын бу оскуоланы бүтэрбит, Ил Түмэн дьокутаата Александр Уаров, СӨ култуураҕа уонна духуобунаска миниистирэ Владимир Тихонов, улуустааҕы үөрэҕирии управлениетын начальнига Гаврил Еремеев, эмиэ бу оскуоланы бүтэрбит Сунтаар нэһилиэгин баһылыгын солбуйааччы Валерий Макаров эҕэрдэлээтилэр.

Быйылгы 2016-2017 үөрэх дьылыгар Сунтаар улууһун үрдүнэн 400 тахса кырачаан үөрэнэччи оскуолаҕа киирбит. Онтон 350-ча үөрэнээччи оскуолаларыгар бүтэһик сылларын үөрэнэн, олох киэҥ аартыгар үктэниэхтэрэ.

Улууспут бары үөрэнэччилэрин, устудьуоннарын, үөрэх тэрилтэлэрин үлэһиттэрин саҥа үөрэх дьылынан эҕэрдэлиибит. Үөрэхтэрин саҥа бүтэрэн үлэлии кэлбит учууталларга үлэлэригэр ситиһиини баҕарабыт.

сунтар 1 сентября

0
0
24 января 24.01
  • -48°
  • $ 73,82
  • 83,32