Сунтаар улууһун Маар Күөл нэһилиэгэр тыа хаһаайыстыбатынан дьарыктанар урбаанньыттар Максим Михайлов уонна Николай Данилов «Саҥалыын» уонна «Тыһакыыс» диэн сирдэргэ сылгы көрөр–харайар базатын тутан үлэҕэ киллэрдилэр. Дьаһал Сылгыһыт күнүн көрсө ыытылынна.
2019 сыллаахха СӨ тыатын хаһаайыстыбатын министиэристибэтин сылгы базатын тутуутугар Граны Сунтаар улууһуттан биэс урбаанньыт ылбыта, онтон иккитэ Маар Күөл нэһилиэгин эдэр урбаанньыттара.
Урбаанньыттары сылгы базатын тутан үлэҕэ киллэрбит үөрүүлээх күннэринэн Сунтаар улууһун аҕа баһылыга Анатолий Григорьев, Маар Күөл нэһилиэгин баһылыга Сергей Саввинов, улуус тыатын хаһаайыстыбатын управлениетын салайааччытын солбуйааччы Григорий Тараяров эҕэрдэлээтилэр. «Эмис эти дэлэтиҥ, үрүҥ аһы элбэтиҥ, сыспай сиэллээҕи үөрдэтиҥ», — диэн алгыс тылларын анаатылар, суруйда улуус дьаһалтатын пресс-сулууспата.
This post was published on 23.03.2021 12:01 12:01