«Федерация-2016» федеральнай таһымнаах куонкуруска «Саха» НКИК Сунтаардааҕы филиала кыттар.
Сунтаар теле-суруналыыстарын хамаандата «Моя страна» диэн номинацияҕа «Благословенный Ысыах Сунтара-Земли Олонхо» үлэтинэн киирсэр. Видео-устуу нууччалыы тыллаах Россия бары олохтоохторугар анаан уһуллубутун туһунан улуустааҕы култуура салаатын салайааччыта ЯСИА-ҕа иһитиннэрдэ.
Куонкурус түмүгэ Москваҕа сэтинньи 15 күнүгэр биллиэхтээх. Видео-устууну https://youtu.be/8BwoVk-rGw киирэн көрүөххүтүн сөп.
Онон Саха сирин ааттата сылдьар сунтаардарбытыгар кыайыыны-хотууну баҕарыаҕыҥ!
This post was published on 27.10.2016 11:11 11:11