Бүгүн, ахсынньы 11 күнүттэн, Сунтаар иһигэр икки оптуобус икки маршрутунан сүүрэн үлэтин саҕалыа.
Бу туһунан Сунтаардааҕы «АТП» МАУ механига Айсен Иванов:
— Хомустаах — Баҕалаах, Химия — Партизан маршруттарынан икки автобус сылдьыа. Оптуобустар маршруттарын дьоҥҥо ордук табыгастаах буолалларын курдук оҥоро сатаатыбыт. Урут маннык маршрутунан сылдьа иликтэр этэ. Төһө кыалларынан бириэмэтин эмиэ табыгастаахтык аттардыбыт. Үөрэтэн көрүү курдук сырыы ахсынньы 11 күнүттэн саҕаланыа.
Оптуобус билиэтин сыаната улахан дьоҥҥо 50 солк., оҕолорго 25 солк. Төлөбүр билиҥҥитэ тута харчынан буоларынан, онон төһө кыалларынан, пассажирдар, бука диэн, ордуга суох сууманан төлөһөргө бэлэм буоларгытын санаталлар. Анал байыаннай дьайыы кыттыылаахтарын оҕолоро анал картанан босхо сылдьыахтара, суруйда «Сунтаар сонуннара» хаһыат.
This post was published on 11.12.2023 11:33 11:33