«СулуСтар» музыка куонкурсун финалыгар олунньу 15 күнүгэр биэс улуус бэрэстэбиитэлэ кыттыаҕа – Мииринэй, Чурапчы, Мэҥэ Хаҥалас, Ньурба уонна Хаҥалас. «Приз зрительских симпатий» номинацияҕа куоластааһын эстрада тыйаатырын «Вконтакте» ситимигэр барар.
«Сүрүн бириис – айар атмосфера, манна эдэр талааннар трениннэри ааһаллар, ырыаҕа уруоктары ылаллар. Куонкурус кэмигэр элбэх уларыйыыны ааһаллар эдэрдэр бэйэлэрин айар дьоҕурдарын сайыннарыыга», – диэтэ художественнай салайааччы Мария Герасимова.
Финалга таҕыстылар Линда Захарова, Мэҥэ Хаҥалас, Аман Винокуров, Чурапчы, Егор Агарков, Мииринэй, Анна Торохова, Ньурба уонна Петр Пестерев, Хаҥалас.
Түмүктүүр кэнсиэр олунньу 15 күнүгэр 14.00 чааска буолуоҕа, ким баҕарар көрө кэлиэн сөп.
Дьүүллүүр сүбэҕэ үлэлиэхтэрэ — бэстибээл ыалдьыта, Гнесиннэр ааттарынан музыка академиятын эстраднай-джазовай ырыа преподавателя Дарья Билько, «Вконтакте» продюсера Алексей Жуков, Эстрада тыйаатырын артыыстара – Анастасия Готовцева, Павел Семенов, ырыаһыт Алексей Егоров-Өркөн, «Саха» НКИХ продюсера Михаил Сергеев уонна култуура министиэристибэтин бэрэстэбиитэлэ Иван Осипов.
