Хой
Дьиэ кэргэниҥ кыһалҕаларын, боппуруостарын быһаар итиэннэ доруобуйаҕын көрүн. Үлэ ханна да куотуо суоҕа.
Оҕус
Эрчимиҥ уҕараабыт курдук сананыаҥ, ол эрээри бэйэҕэр эрэ эрэнэр кыахтааххын. Чугас дьонуҥ бары бэйэлэрин кыһалҕаларын быһаараллар. Дьыалабыай партнердаргын кытта өйдөспөт түгэн үөскүө: аһаҕастык кэпсэт.
Игирэлэр
Бүгүҥҥү күҥҥүн спордунан дьарыкка уонна дьону кытта алтыһыыга анаа. Сарсыардааҥҥы сэрээккэттэн саҕалыаххын сөп. Кэллиэгэлэргин кытта аралдьыйар, сынньанар туһунан толкуйдааҥ.
Рак
Уопсастыбаҕа олохтоммут суруллубатах быраабылалартан туоруур бүгүн сатамньыта суох – элбэх киһини ньиэрбинэйдэтиэҥ. Дьиэ кэргэҥҥэр болҕомтоҕун уур, оҕолоргун иитиигэ-үөрэтиигэ ылыс.
Хахай
Илии үлэтиттэн куотун, ыарытыйаары гыммыккын. Саарбах соҕус көмөнү көрдүүр киһиэхэ аккаастыыртан куттаныма.
Кыыс
Ханнык да ньыманан сыалгын ситиһэр ньоҕой санааҕын уҕарыт. Бу кэмҥэ сэрэнэн-сэрбэнэн сылдьар ордук. Сулустар эйиэхэ холкутуйууну баҕараллар.
Ыйааһын
Сүбэлээбитэ-амалаабыта буолума, кэлин тиһэҕэр буруйдаах эн буолуоҥ. Кэрэ аҥаардарга үлэҕитигэр үчүгэй уларыйыы тахсыан сөп. Оттон тус олоххор тугу баҕараргын толкуйдаа.
Скорпион
Олоххор тугу эрэ уларытар кэм кэлбит. Урут бастаан улахан суолталаах боппуруостарга сыһыаҥҥын уларыт. Дьыалаларгар болҕомтоҕун күүһүрдүөххүн наада. Ханнык хайысхаҕа салаллыахтааххын анаалыстаан, ырытан көр.
Охчут
Бу күн энергията эйиэхэ утарылаһар курдук, ол иһин тылга-өскө сэрэхтээх буол. Чиэһинэйэ суох дьон албыннарыгар киирэн биэрэр куттал баар. Аймахтаргын кытта көрсөр тоҕоостоох кэм.
Чубуку
Уу нуурал эйгэ үөскээбит кэмэ. Ол иһин эйиэхэ дьон тардыһар, элбэх киһи эн уопсастыбаҕар талаһар. Урукку доҕотторуҥ эбэтэр өр кэмҥэ билсибэтэх аймахтарыҥ ыалдьыттыы кэлиэхтэрин сөп. Оттон үлэҕэр дьүккүөрдээх буолуу эрэйиллэр.
Күрүлгэн
Сулустар аймахтаргын кытта көрсүһүүттэн аккаастаммаккар сүбэлииллэр. Улахан суолталаах бырайыаккар көмө буолуохтарын сөп. Урбаанньыттар саҥа улахан дьыаланы саҕалыырга тоҕоостоох кэми мүччү тутумуохтарын наада.
Балыктар
Үлэҕэр санааҕын уур, аралдьытар дьайыылары тохтот. Ол эрээри аһара үлүһүйбэт ордук: салалтаҥ эбии үлэни соруйуон, эппиэтинэс сүктэриэн сөп.
Аһаҕас источниктан ылылынна.
