Хой
Быһаарыныы ылынарыҥ наада буоллаҕына, толкуйдуургар бириэмэтэ биэр. Эйиэхэ киэһэ ордук үчүгэй кэм. Дьиэҕин-уоккун өрө тардарга болҕомтоҕун уур, дьиэтээҕи боппуруостары бастакынан быһаар.
Оҕус
Сарсыардааҥы кэм үтүө өрүттэрдээх буолуоҕа. Улахан күүс-уох эрэйиллэр күнэ буолбатах. Күн иккис аҥаарыгар уустук дьыалаҕа ылсыбатыҥ ордук. Олох судургу дьыалаларга эрэ чугаһаа, холобур, сөбүлүүр аскын астаныаххын сөп.
Игирэлэр
Бу күнүҥ үчүгэйдик, холкутук ааһыаҕа. Ол эрээри, күттүөннээх үлэ тахсыа суоҕа. Үпкэ-харчыга ыктаран ылыаххын сөп. Онон сорохторго, бу күн эбии дохуот көрдөнөргө төрүөт буолуоҕа.
Рак
Барытын чугастык, күүркэтэн ылыныаҥ. Ол курдук сүргэҥ түһүөҕэ, тахсыаҕа. Онуоха эн дьээбэлээх-хооболоох сыһыаннаһыыҥ абырыаҕа. Күн иккис аҥарыгар олус умсугуйар тиэмэҕэр сюрприз буолуон сөп.
Хахай
Хаһаанарга араас үчүгэй идеялар киириэхтэрэ. Инникитин бу идеялар улахан дохуоту аҕалыахтара. Үгүс Хахайы айан күүтэр. Бүттүүн ыллахха, чуумпу, үчүгэй күн ааһыаҕа.
Кыыс
Көннөрү көрсүһүүлэр бэркэ ааһыахтара. Ыалдьыттары ыҥырыаххын, эбэтэр чугас дьоҥҥор ыалдьыттыаххын сөп. Аралдьыйыы киэһэтэ эмиэ табыллыаҕа, олус бэһиэлэйдик ааһыаҕа.
Ыйааһын
Эн суолгар соччо сөбүлээбэт дьонуҥ көстүөхтэрэ. Онуоха эмоцияҕар бэринимэ. Доҕордуу сыһыаны көрдөрдөххүнэ – бэйэҥ да сүргэн көтөҕүллүөҕэ. Болҕомто бэлиэтин ууралларын өйдөөн көрүөххүн сөп.
Скорпион
Кичэйэн кэтээн көрдөххүнэ, туох эрэ сыаналааҕы иҥэриниэҥ. Ол мал эрэ буолбакка, билии да буолуон сөп. Сэрэйэн көрөр дьоҕуруҥ үчүгэйдик үлэлиэҕэ. Доруобуйаҥ мөлтөөн ылыан сөп. Онон күн-дьыл туругун көрөн, таҥна-сапта сырыт, мөлтөх миэстэлэргин харыстаа.
Охчут
Кэпсэтииттэн туһалааҕа аҕыйах буолуоҕа, арай, суостаах мөккүөр тахсыан сөп. Бэйэҥ бэйэҕэр үлэлииргэр сөптөөх күн. Кумааҕы үлэтин бэрээдэктиир, түмүгү бэлэмниир үчүгэй.
Чубуку
Уустук боппуруоһу үчүгэй кэм үүнүөр диэри уурарыҥ ордук. Хаһааҥҥытааҕар да үгүс кыһалҕалар үөскүөхтэрэ. Барытын быһаарар туһугар, доҕотторгуттан сүбэтэ-амата көрдөө. Бэлэмэ суох көрсүһүү буолуон сөп.
Күрүлгэн
Соторунан кыайыыга эрэнимэ. Ол туһугар охсуһа түһэргэр тиийиэҕин. Хата күүһүҥ уонна баҕа санааҥ эйиэхэ толору. Чугас дьоҥҥун кытта этииһииттэн куота тутун.
Балыктар
Ханнык эрэ урукку кыһалҕаҕын быһаараргар күһэллиэҥ. Былааныҥ хаста да уларыйыан сөп. Барытын ситиһэргэр чугас дьонуҥ өйөбүлэ көмөлөһүөҕэ. Кинилэри кытта кэпсэтии эйигин үөрдүөҕэ.
Аһаҕас источниктан ылылынна.
This post was published on 19.05.2025 09:02 09:02