️Хой
Бүгүн күн аайы устар күн буолбатах, уратытык дьаһанан сылдьыаххын наада. Кыһалҕаҥ хатыланар түгэнигэр, өссө атын быһаарыныыны ылын. Сыалгын дьиҥ баардыы көрдөххүнэ, ону ситиһэргэр табыгастаах суоллары булуоҥ. Сүрэҕэлдьээмэ, актыыбынай буолуу — кыайыы төрдө.
Оҕус
Бүгүн ситиһиилээх күн. Үгүс дьыалаҥ бэйэтэ быһаарыллыа. Ыра санааҕын ситиһэргэ туруулас, былааннаргын кэнникигэ хаалларыма. Чугас дьоҥҥун кытта аһаҕастык кэпсэттэххинэ мунньуллубут хом санааны туоратыаҥ, оччоҕо ис туругун уоскуйуо.
Игирэлэр
Толкуйдуурга уонна былааннанарга сөптөөх күн. Күүскүн, энергияҕын туох ыларын быһаар уонна онтон босхолон. Олохсуйбут күннээҕи быһаарыныыны уларыттаххына, элбэҕи ситиһиэҥ. Уларыйыылартан кутаныма, саҥа кыахха тиэрдиэҕэ.
Рак
Меланхолияҕа киириини, күүс-уох мөлтөөһүнүн эн бэркэ билэҕин. Хомойууттан аралдьыйа сатаа. Күҥҥүн туох эмит үөрүүлээҕинэн толор, бэһиэлэй дьону кытта алтыс. Дьыалаҕар креативнай идеялары тутун, ол эрээри аһары барыма.
Хахай
Бүгүн дьыалаҕын туораттан көр. Сыыһаларгын көрүөҥ, дьаһалгын уларытыаҥ. Дьоҥҥо эрэммэтиҥ сыһыаҥҥа ыарахаттары үөскэтиэн сөп. Онуоха атааннаһыыны таһаарбат туһугар бу кыһалҕаны бэйэҥ быһаар. Инникиҥ туһунан толкуйдуурга күҥҥүн анаа.
Кыыс
Абылаҥын күүһүрбүт кэмэ. Ону үлэҕинэн кэпсэтиилэргэ туһан. Ол эрээри сэрэхтээх сырыт. Дьоҥҥо олус итэҕэйэргинэн үчүгэйдик билбэт дьонуҥ туһаныахтарын сөп. Нейтральнай темаҕа кэпсэтэриҥ ордук.
Ыйааһын
Күҥҥүн ыксаабакка саҕалаа. Аргыый наллаан сырыт. Оччотугар күҥҥүн үчүгэйдик, ситиһиилээхтик аһарыаҥ. Соһуччу ыарахаттар үөскүөхтэрин сөп. Онуоха позитивнай туруккунан чэпчэкитик аһардыаҥ.
Скорпион
Кэпсэтиигэ сэрэхтээх буол. Аһары көнөҕүнэн сыһыаҥҥын мөлтөтүөҥ. Көрдөөбөтөх сүбэлэрин биэримэ, бэйэҥ истэ сатаа. Үлэҕэр активнай буол. Биллэр түмүктэр кэлиэхтэрэ.
Охчут
Ситиһиилээх күнүҥ сарсыардаҕыттан тутулуктаах. Күннээҕи түбүккэ ыксаабакка киирдэххинэ, таһаарыылаах күн буолуоҕа. Тус олоҕуҥ этэҥҥэ. Оттон саҥа билсиһииҥ күүппүккэр тиийиэ суоҕа.
Чубуку
Тулалыыр дьоҥҥун баттыыртан туттун. Сымнаҕас сыһыан уонна комплимент — сыалгын түргэнник ситиһии. Профессионаллары кытта идеяҕын үллэһин, олоххо киириитигэр көмө баар буолуон сөп.
Күрүлгэн
Бу күн төбөҥ иһигэр да, дьиэҥ иһигэр да бэрээдэктэнии барыан наада. Баҕа санааҕын ырытан көр, бастыҥнары быһаар. Үлэҕэр активнай буоллаххына, карьераҕар күүтүүлээх уларыйыы тахсыа. Киэһэ чугас дьоҥҥор болҕомтоҕун уур.
Балыктар
Сарсыардаҕын сынньалаҥнык саҕалаа, үлэҕэр төбөҥ оройунан түспэккэ, аргыый киир. Күн иккис аҥарыгар энергияҥ улаатыа, суолталаах соруктары быһаарыаҥ. Идеяларгынан тулалыыр дьоҥҥун кытта үллэһин. Биир санаалаахтары булуоҥ уонна өйөөччүлэр көстүөхтэрэ.
Аһаҕас источниктартан ылылынна.
This post was published on 23.01.2025 09:06 09:06