Хой
Саарбахтааһыҥҥа кииримэ.
Олоххо буолар быһыы-майгы бэйэҕэр эрэллээх буоларгын ирдиир. Ол ордук бизнеһинэн, урбаанынан дьарыктанар буоллахха көстүөҕэ. Көмөҕө наадыйар дьону ааһа барыма.
Оҕус
Чугас киһигин кытта иһирэх сыһыан эйигин дьоллуоҕа.
Ол эрээри доруобуйаҥ туруга мөлтөөн ыларыттан санааҥ түһүөҕэ. Уугун хана утуйа сатаа, элбэхтик сынньан.
Игирэлэр
Билигин эн көҕүҥ үрдээбит кэмэ. Бу күҥҥэ илии үлэтэ, спордунан дьарыктаныы, көхтөөх сынньалаҥ ордук барыаҕа.
Рак
Соһуччу атын хайысханы тутуһуоҥ. Иирсээҥҥэ, саарбах дьайыыларга киирэн биэримэ. Күҥҥүн эрдэттэн кичэйэн былааннаа.
Хахай
Эн үгүс дьыаланы ситиһиэҥ — ол кэллиэгэлэриҥ, билэр дьонуҥ өҥөлөрө.
Үлэ кэнниттэн шопинг эбэтэр доҕоттору кытта көрсүһүү киэһэтин тэрийэр тоҕоостоох.
Кыыс
Хайа баҕарар уларыйыылар эйигин киэпкиттэн таһаараллар. Ол эрээри уларыйыыта суох инники сайдыы барбат. Бары мэһэйдэри суолгуттан туоратан, ситиһиигэ, байылыат олоххо тиийиэҥ.
Ыйааһын
Сэрэхтээх буол — тулалыыр чугас дьоҥҥун кытта мөккүөр туруон сөп. Чугас дьоҥҥор болҕомтоҕун уур. Тугу да эрэннэримэ.
Скорпион
Саҥалыы үп-харчы киллэринэр суолу тобулар кэмиҥ кэлбит. Аһары барартан туттунар ордук, түмүгэ мөлтөх буолуон сөп.
Охчут
Эйигин төбө, ис-үөс ыарыыта эрэйдиэн сөп. Кыаллар буоллаҕына, дьиэҕэ олорор эбэтэр айылҕаҕа тахса сылдьарыҥ ордук.
Чубуку
Үлэҕэр эн дьаныаргын бэлиэтии көрүөхтэрэ. Ол түмүгэр хамнаһыҥ, дуоһунаһыҥ үрдүөн сөп.
Күрүлгэн
Дьыалаҥ санаа хоту ситиһиилэхтик баран иһэр, ол эрээри, докумуоннарга илии баттыырга сэрэхтээх буол. Сыыһа-халты тахсан үбү-харчыны сүтэриэххин сөп.
Балыктар
Эн тулаҕар сүпсүлгэн. Ол эйигин кыйахыыр, болҕомтоҕун ыһар, эбээһинэскин толороргун мэһэйдиир. Сүрүнэ, үлэҥ халтайга буолуо суоҕа.
Аһаҕас источниктан
