Хой
Бэйэҕэр эрэ буолбакка, тулалыыр дьоҥҥор үгүс үтүөнү оҥороргор кыах бэриллиэҕэ. Онуоха эн быһаарыныыны түргэнник ылынар, саҥа хардыыны хорсуннук оҥорор быһыыҥ көмөлөһүөҕэ. Уруккуттан эрэнэр дьоҥҥун кыттыһыннардаххына, санаабыккын барытын ситиһиэҥ.
Оҕус
Сарсыарда уустук соҕус кэм. Дьиэ кэргэҥҥэр эбэтэр үлэҕэр кыра өйдөспөт буолуу тахсан ылыаҕа, ол эрээри содула суохтук ааһыаҕа. Онтон чаас аайы өрө көтөҕүллүүлээх түгэннэр кэлиэхтэрэ. Үгүс уустук соруктары толорор кыаххыттан бэйэҥ да соһуйуоҥ!
Игирэлэр
Чугас дьоҥҥун кытта сылаас сыһыаны олохтуурга табыгастаах күн. Атын киһи кыһалҕатын сөпкө көрөр уонна урукку хомолтоҕун бырастыы гынар кыахтааххын. Дьон эйиэхэ талаһар күнэ, онон бииргэ үлэлэһии туһунан эмиэ кэпсэтиэххин сөп. Өссө бу күн инникини былаанныырын табыллыаҕа.
Рак
Кыйыттаргын туттуна сатаа. Сарсыарда өттүгэр былааныҥ ыһыллыаҕа, тулалыыр дьонуҥ сүбэлэспит курдук кыыһырдыахтара. Онуоха бэйэҥ бодоҕун көрүннэххинэ, туттуннаххына барытын холкутук аһардыаҥ. Суолталаах быһаарыныыны ким да сүбэтин, санаатын истибэккэ, бэйэҥ ылыҥ.
Хахай
Үлэҕэ сыһыаннаах идеяҥ көдьүүстээх буолуоҕа. Туһалаах билсиһии тахсыан сөп. Онон үлэҕэр үрдүк кирилиэһи дабайаргар олук уурар күн үүннэ диэххэ сөп. Онтон киэһэтин таптыыр киһигин кытта истиҥ көрсүһүү, кэпсэтии күүтэр.
Кыыс
Бу күн үгүс уустук мэһэйдэр көстүөхтэрэ. Ол эрээри ол эйиигин долгуппат, туруннаххына барытын быһаарыаҥ, туоратыаҥ. Урукку билсиилээхтэргин көрсүөххүн сөп, кинилэр эйиэхэ интэриэһинэй этиилээх буолуохтара. Үлэҕэр сыһыаннаах үчүгэй сонуну истиэҥ.
Ыйааһын
Күүтүллүбэтэх түгэннэр баар буолуохтара. Дьону кытта түргэнник уопсай тылы булуоҥ. Романтическай сыһыан саҕаланыан сөп. Оттон үп-харчы боппуруоһун таарыйбатыҥ ордук, сыыһаны таһаарар кутталлааххын. Олус элбэх дьыаланы сүгүмэ, бэйэҥ кыаххын учуоттаа. Киэһэ үчүгэй сонуну истиэҥ.
Скорпион
Мөккүһүүгэ, халтай сэлэһиигэ бириэмэҕин бараабатаххына, куһаҕана суох күн ааһыаҕа. Бэйэҥ күүскэр эрэ эрэн. Кыһалҕаҕын туора дьоҥҥо кэпсээмэ, ордук аһары туоһулаһар, уонна тугу эрэ эрэннэрэр дьонтон сэрэхтээх буол.
Охчут
Сүргэҕин көтөҕөр үөрүүлээх түгэннэр буолуохтара. Ахтыбыт-суохтаабыт дьоҥҥун кытта көрсүөҥ. Дьылабыай эйгэҕэ табыллыаҥ, инникитин баҕа санааҕын олоххо киллэрэргэр көмөлөһөр дьону булуоххун сөп. Итиэннэ күннэтэ көрөр көстүүгүн уларытарыҥ туһалаах буолуоҕа.
Чубуку
Сулустар эн диэки хайыһаллар. Общественнай тэрээһиҥҥэ кыттыы туһалаах буолуоҕа. Уустук балаһыанньаҕа түбэспит билэр дьоҥҥор көмөлөһүөххүн сөп. Урукку кэмтэн мунаарар боппуруоскар хоруйу булуоҕуҥ, ол ситиһиилээх инникигин торумнуургар салайан биэриэҕэ.
Күрүлгэн
Бүгүн чахчы сөбүлүүр эрэ дьарыккын тутус. Тугу да гыммакка сынньаныаххын эмиэ сөп. Ыраах дьылабыай айаҥҥа турунарын соччо биһирэммэт. Дьоҕус ситиһиилэниэҥ эрээри олус сылайыаҥ, илистиэҥ. Чугас дьоҥҥун кытта сөпсөспөт түгэн үөскээн ылыаҕа.
Балыктар
Сарсыарда таһаарыылаах бириэмэ ааһыаҕа. Аҕыйах чаас иһигэр үгүс дьыаланы бүтэриэҥ-оһоруоҥ. Онно олус чугастык билсибэт да дьонуҥ утары баран көмөлөһөргө бэлэмнэр. Итиэннэ, дьылабыай айан, көрсүһүү табыллыаҕа.
Аһаҕас источниктан
This post was published on 02.07.2025 10:31 10:31