️Хой
Хой бэлиэлээх өһөс хаанын киллэрдэҕинэ, сыарҕаны бэйэтэ соһуоҕа. Маннык өһөс оонньооччуга элбэх хамаанда интэриэстээх. Баҕар эбии үлэ көстүөҕэ.
Оҕус
Хас биирдии ситиһии оҕус бэлиэлээҕи өрө таһаарар: аптарытыат улаатар, үрдүүр. Чугас дьонун эн үлэҕинэн кынаттаналлар, киэн тутталлар.
Игирэлэр
Чэппиэр күн толкуйдаабытыҥ айымньылаах буолуоҕа. Чуолаан маннык этиилэр инникилээх буолаллар. Бэлэх атыылаһарга саамай үчүгэй күн.
Араак
Тулалыыр дьонуҥ эйигин тургутан көрүөхтэрэ: тугу эмэ аҕал, тугу эмэ илт. Манна биир сүрүнү тутуһар, толкуйдаах араак бэлиэлээхтэр сөптөөхтүк тыл булуохтара, соругу толоруохтара.
Хахай
Буксуйан турар дьыаланы хайдах оннуттан хамсатарга бэртээхэй санаа көтөн түһүөҕэ. Хахай бэлиэлээхтэр саҥаҕа түргэнник үөрэнэллэринэн бэлиэтэнэллэр. Барыны-бары быһаарарга урукку уопутуҥ да оонньуу сыттаҕа.
Кыыс
Сулустар бүгүн кыыс бэлиэлээхтэргэ сырдыгынан сыдьаайаллар: элбэҕи быһаарыаххыт. Саҥа сорукка турунарга толору бэлэмнээх буолуоххут.
Ыйааһын
Эн аттыгар арыаллыыр киһи баара үчүгэй. Бииргэ оҥорор бэһиэлэй даҕаны, көмөлөөх даҕаны.
Скорпион
Эн эргимтэҕэр саҥа дьон баар буолуоҕа. Скорпион бэлиэлээхтэр үлэни бииргэ үллэстэр эрэллээх табаарыстары булалларынан маладьыастар. Ыксаппат ордук, чааһа кэллэҕинэ эн да этиитэ суох хамсыаҕа.
Охчут
Дьиэ кэргэҥҥэ аҕа дьону кытта кэпсэтии тахсыаҕа. Хайа эрэ охчут бэлиэлээхтэр төрөппүттэргитигэр эрийэр кэмҥит кэлбитэ быданнаабыт. Сөптөөх сүбэ этэллэрин долоҕойгор түһэр.
Чубуку
Угаайылаах тыллары кулгааҕын таһынан аһар, болҕомтоҕо ылыма. Чубуку бэлиэлээхтэр бириэмэни сөптөөхтүк туһанаргытын үгүстэр хайҕыыллар.
Күрүлгэн
Күрүлгэн бэлиэлээхтэр уһуннук тэнийбит бырайыакка туочука туруоруоххут. Харчыны кытта ситимнээх дьыалаҕа соргу тосхойор.
Балык
Сыалы ситиһэр балык бэлиэлээхтэр туохтан да иҥнибэккэ иннилэрин хоту айанныыллар. Кэннигин хайыһан хаһан да көрбөт буол. Толкуйдаммыты уурбут-туппут курдук сөптөөхтүк толороҕун.
Аһаҕас источниктан ылылынна.
