Хой
Дьиэҕэр-уоккар сыһыаннаах дьыаланан дьарыктанарыҥ ордук. Бу күн өрөмүөнү саҕалыыр, күннээҕигэ сыһыаннаах малы-салы атыылаһар кыах суох буоллаҕына, муҥ саатар дьиэҥ иһин-таһын бэрийэн, үлэҕэр бар.
Оҕус
Сулустар бу күн холкутук, сынньалаҥнык сылдьаргар сүбэлииллэр. Санааҕын көтөҕөр туох эмит дьыалаҕа ылыс. Сэргэх айаҥҥа этии киирэрин ылынарыҥ ордук.
Игирэлэр
Барытыгар аһара күүрэн сыһыаннаһарыҥ сэрэхтээх. Албынтан-көлдьүтэн сэрэн. Дьон бэйэтин эрэ интэриэһигэр туһаныан сөп. Атыныгар күн киэнэ үчүгэйэ үүннэ.
Рак
Хас хардыыгын суолталаан хамсан. Оннук турукка бэйэҕэр да, дьоҥҥо да туһалааҕы элбэҕи ситиһиэҥ. Эбии үөрэнэриҥ инники үлэҕэр-хамнаскар туһалаах буолуо эбит.
Хахай
Салайар, тэрийэр дьоҕуруҥ үлэ хаамыытын биллэрдик түргэтэрэр, тупсарар. Тус олоххор чуолаан эт өттүгүттэн бастакы хардыы эрэйиллэр. Дьон эйигин суолталыыр.
Кыыс
Аттыгар сылдьар дьон эйиэхэ тардыһаллар. Эйигин кытта кэпсэтиини, алтыһыыны суолталыыллар. Чугас дьонуҥ өй-санаа өттүнэн өйөбүлгэр наадыйаллар.
Ыйааһын
Харчы кыһалҕатыттан санааҥ түһэн ылыан сөп. Быстах түгэни бэйэҕэр чугастык ылыныма. Дьиэҕэр-уоккар эйигиттэн быһаарар оруолу эрэйэллэр. Эппиэтинэскин умнума.
Скорпион
Биэрбит сорудахтарын үчүгэйдик толороҕун. Уустук да дьыалаҕа ылсартан куттаныма. Эн кыаххын ордук санааччылар кытта билэллэр. Онон харгыс суох.
Охчут
Өрө күүрэ сылдьар буолаҥҥын, кыраны да үлүннэриэххин сөп. Дуона суохха күүрүмэ. Холкутук сырыт, бэйэҕин харыстан. Оннук турукка аартык арыллар.
Чубуку
Уруккутааҕар быдан үчүгэй түмүктэр үөрдэллэр. Бэйэҥ үлэҥ таһынан дьоҥҥо да көмөлөһөр кыахтааххын. Урукку өттүгэр көмөлөспүт дьонуҥ үтүөнэн хардарыахтара.
Күрүлгэн
Олоххор, үлэҕэр орооһуу баар буолуон сөп. Оннугу ким да сөбүлээбэтэ биллэр. Бэйэҥ интэриэскин көмүскэн, баайгын-дуолгун харыстаа.
Балыктар
Үлэҕэр бэрт эриэхэбэй этиини көтөҕүөхтэрэ. Атын дьон биир тэҥ хамсанар буоллахтарына, эн көрүүҥ, этииҥ ураты буолуо. Элбэх үтүө түгэннээх, интэриэһинэй сонуннаах күн күүтэр.
Аһаҕас источниктартан ылылынна.
This post was published on 31.03.2025 09:11 09:11