Хой
Уустук дьыалаҕа хорсуннук ылсыаххын сөп. Сорудаҕы үчүгэйдик толорон улахан ситиһиилэниэҥ. Саҥа эбээһинэһи сүгэртэн куттаммат буоллаххына, кырата суох харчылаһыаҥ. Күн иккис аҥаарыгар дьыалабыай, тус көрсүһүүлэргэ барыма, эмоцияларгар бэринэн, тугу эрэ сыыһа тыллаһыаххын сөп.
Оҕус
Бу күн чахчы интэриэһиргиир дьарыккар умсугуйарыҥ ордук. Онтон атыҥҥа санааҕын уурар уустук буолуоҕа, түргэнник салҕыаҥ, сылайыаҥ. Тугу эрэ суоттанарга, учуоттуурга сыыһа тахсыан сөп. Тапталлааххын кытта бириэмэ атаарарыҥ ордук табыллыаҕа.
Игирэлэр
Үгүс уустук боппуруоһу быһаарарга үтүө күн тосхойдо! Кимтэн өйөбүл, көмө көрдүөххүн сөбүн ис санааҕын иһиттэххинэ таайыаҥ. Итиэннэ айаҥҥа табыллыы күүтэр. Суолга үчүгэйинэн түмүктэнэр соһута үөрдэр мүччүргэннээх сырыылар баар буолуохтара. Саҥа билсиһии романтическай сыһыаҥҥа кубулуйуон сөп.
Рак
Үп-харчы боппуруоһун быһаарарга табыгастаах кэм үүннэ. Урут коммерческай үлэнэн дьарыгырбатах да буоллаххына, бу эйгэҕэ уустук да дьыаланы быһаарыаххын сөп. Уопута суоҕуҥ барыстаах сөбүлэҥи түһэрсэргэ, харчыны сөпкө тыырарга мэһэйдиэ суоҕа. Дьиэҕэ-уокка туох эрэ кыһалҕа тахсыан сөп. Онно долгуйбакка, улахан боппуруоһу быһаарары таллаххына, сыыһыаҥ суоҕа.
Хахай
Бу күн кэпсэтиигэ бэркэ табыллыаҥ. Бу кыаҕы чугас дьоҥҥун кытта сыһыаны бөҕөргөтөргө туһан. Тапталлааххын кытта бары хомолтону умнан туран эйэргэһиэххит. Туох эрэ саҥаны боруобалыыртан туттунарыҥ ордук: сыыһаны таһаарыаххын сөп эбэтэр аттыгар көмөлөһөр киһи баар буолара үчүгэй. Былааннамматах да айан табыллыаҕа. Айантан дуоһуйуу эрэ буолбакка, билсиһиилэр да баар буолуохтара.
Кыыс
Бу күн саҥа соруктары аҕалыаҕа. Урукку өттүгэр ким да кыайа-хото тута илик дьыалатыгар үчүгэй түмүктэри көрдөрүөххүн сөп. Үп-харчы, баай-дуол боппуруоһун быһаарар кыах үөскүөҕэ. Юридическай өттүнэн кыһалҕалаах буоллаххына, ону туоратарга, тугу быһаарынаргын өйдүөҥ.
Ыйааһын
Эйигин үгүс түбүктээх, таһаарыылаах күн күүтэр. Ол эрээри дьиэ кэргэҥҥэр, доҕотторгор, тапталлааххар болҕомто аныырыҥ ордук. Итиэннэ айымньылаах дьарыккар эмиэ табыгастаах күн. Урукку өттүгэр санаан да көрбөтөх талааҥҥын арыйыаххын сөп. Эн интэриэскин, дьарыккын үллэстэр, сэҥээрэр дьону кытта билсиэххин сөп, инникитин кинилэри кытта дьиҥнээх доҕордоһуу үөскүөҕэ.
Скорпион
Суолталаах боппуруостары быһаараргар табыгастаах кэм. Тугу да мүччү тутуоҥ суоҕа, барытын анаалыстаан, сөптөөх түмүгү оҥостуоҥ. Бу күн үөрэҕи ылынар дьоҕуруҥ үрдүк. Тулалыыр дьонуҥ эйиэхэ сүбэ-ама биэриэхтэрэ, уопуттарын атастаһыахтара. Киэһэ дьиэ түбүгэр ылсарыҥ ордук.
Охчут
Эйиэхэ элбэх дьыала табыллыаҕа. Эн ону эккинэн-хааҥҥынан таайан, барыны бары ситэрэ-хоторо сатыаҥ, ол сөп курдук. Үп-харчы өттүгэр сэрэхтээх буол. Табыгаһа суох малы-салы атыылаһыаххын эбэтэр халтайга ночоотуруоххун сөп. Ол да буоллар, харчы эйгэтигэр улахан хабааннаах сүтүк тахсыа суоҕа.
Чубуку
Барыта куһаҕана суохтук салаллан иһэр. Ол эрээри эн болҕомтоҕун бүгүҥҥү күн итэҕэстэригэр эрэ ууруоҥ, ол иһин элбэх үчүгэй түгэни өйдөөн көрөрүҥ саарбах. Ким эрэ эн сүргэҕин көтөҕө сатаан баран, илиитин соттуоҕа. Олоххун үчүгэй өттүгэр уларытар табыллыы түгэнэ тахсыан сөп. Онно бэйэҕин сүтэрбэккэ, быһаарыныы ылына охсоруҥ ирдэниэҕэ.
Күрүлгэн
Оҥорон, фантазиялаан көрөртөн куттаныма. Бу күн оҥорон көрүүҥ уустуктары аһараргар көмөлөһүөҕэ. Кыһалҕаны көрүстэххинэ, уолуйан хаалбакка, ону араас өттүттэн көр, сөптөөх быһаарыныыны хайаан да тобулуоҥ. Эн сэдэх идеяларыҥ дьоҥҥо көмөлөһүөхтэрин сөп. Ону тэҥэ сөптөөх сүбэ-ама, атын да көмө оҥороруҥ табыллыаҕа.
Балыктар
Холку, чуумпу буоларыҥ ирдэнэр, ол эрээри ол табыллыа суох курдук. Чугас дьонуҥ эйигин кытта кэпсэтэллэрэ уустук буолуоҕа. Буолар-буолбат тэрээһиннэргэ сылдьыма! Дуоһуйууну ылбаккын ааһан, дьоҥҥо бэйэҕин соччото суох өттүттэн көрдөрүөххүн сөп. Арай, бэйэҕин кытта соҕотох хаалан, сөбүлүүр дьарыккар умсугуйдаххына, күнүҥ бэркэ ааһыаҕа.
Аһаҕас источниктан
