Хой
Бүгүн муударайгын киллэр. Аттынааҕы дьонуҥ кэпсэтэллэрин иһит — эйиэхэ өй биэрэр тыллары истиэххин сөп. Мөккүһүмэ: эн сөпкө этэҕин, ол эрэн дьон онно бэлэмэ суохтар.
Оҕус
Түмүк таһаарарга тоҕоостоох кэм. Мунньуллубут үлэҕин ситэр.
Игирэлэр
Эн куруук көтө-дайа чэпчэкитик сылдьарыҥ, биллэн турар, үчүгэй. Ол эрэн бүгүн оттомноох, болҕомтолоох буоларыҥ наада. Үлэҥ эйгэтигэр уларыйыылар тахсыахтара.
Араак
Дьиэҥ, дьиэ кэргэниҥ бүгүн эйиэхэ бастакы миэстэҕэ. Сылаас истиҥ кэпсэтиилэр, уоппусканы, сынньалаҥы былааннааһын күүтэллэр. Кыраттан кыыһырбакка сырыт дииллэр сулустар, чугас дьонуҥ эн өйөбүлгэр наадыйаллар.
Хахай
Дьону итэҕэтэргэ улахан куолас эрэ буолбакка, итэҕэтэр дакаастабыл наада.
Кыыс
Харчы боппуруоһа болҕомтоҕун ылыаҕа. Дьон сүбэтин истимэ, харчыны бараама, инвестицияларга угума. Бэйэҥ өйгүнэн толкуйдаа, суоттаа диэн сүбэлииллэр сулустар.
Ыйааһын
Тус олоххор уларыйыылар буолаары тураллар. Эрэн бэйэҕэр.
Скорпион
Бүгүн интуицияҥ күүстээх. Ыксаан хардыы оҥороргунааҕар кэтээн көрөрүҥ быдан ордук.
Охчут
Саҥа билсиһии күүтэр эбэтэр урукку доҕоргун кытта эмискэ көрсөн сэһэргэһиэҥ. Күүппэтэх өттүгүттэн өйөбүл баар буолуоҕа.
Чубуку
Эн бүгүн аптарытыатыҥ уонна эппиэтинэһиҥ үрдүк. Дьыалабыай кэпсэтиигэ дьон эйигин болҕойон истиэхтэрэ. Түмүк таһаарарга, дөкүмүөн оҥотторорго, официальнай быһаарыныылары ыларга сөптөөх күн.
Күрүлгэн
Айаҥҥа, билии, уопут кэҥэтэргэ табыллыылаах күн. Саҥаны саҕалыаххын баҕарар буоллаххына, сөптөөх бириэмэ.
Балыктар
Дьон кыһалҕатын сүгүмэ. Тус границаҕын тутус, көмүскээ. Дьоҥҥо, атыҥҥа аралдьыйбатаххына күнүҥ холкутук, туһалаахтык ааһыаҕа.
Аһаҕас источниктан
This post was published on 20.06.2025 10:02 10:02