Сулустар кэпсииллэр. Алтынньы 1 күнэ

♈️Хой

Болҕомто киинигэр буолаҕын. Долгуйуу баар эрээри, улаханнык биллиэ суоҕа. Доҕотторгун кытта алтыһыыга саарбахтааһыҥҥын киэр кыйдаа. Ол кыыһырсыыга тиэрдиэн сөп.

♉️Оҕус

Үлэҕэ, үөрэххэ көхтөөх буоллаххына, ситиһиилэниэҥ. Күөн көрсөөччүлэри кытта сыһыаҥҥа кыайыы эйиэнэ буолар чинчилээх. Харчынан наҕараадаҕа тиксэр кыах баар.

♊️Игирэ

Чуҥкук соҕус күн буолсу. Аһара күүрбэккэ, күннээҕи дьыаланан дьарыгыр. Суолталаах хардыыны оҥоруоҥ иннинэ чугас дьоҥҥун кытта сүбэлэһэриҥ оруннаах буолуо.

♋️Рак

Сыыһа-халты туттунуугун дьон билиэҕэ. Кистиир наадата да суох. Эрдэтинэ бэйэҥ билинэн, алы гынарга көрдөһөрүҥ ордук. Саҥаны атыылаһартан туттунуоххун наада. Мөлтөх табаар түбэһэр кутталлаах.

♌️Хахай

Үлэҕэ болҕомтолоохтук, сэрэнэн туттуоххун наада. Мүччү-хаччы туттунуулар элбиир күннэрэ. Онон холкутук сырыт. Ким эрэ үтүө тылынан, кыра бэлэҕинэн үөрдүө.

♍️Кыыс

Суолталаах кэпсэтиилэргэ бэйэҥ ис киирбэххин туһан. Ол ситиһии төрдө буолуон сөп. Инники үлэҕэ-хамнаска, тус олоххор даҕаны өрө көтөҕөр киһини кытта билсиэҥ. 

♎️Ыйааһын

Харчы киириэ, кэпсэтии табыллыа. Материальнай балаһыанньаҥ лаппа тупсар. Киэһэтин саҥа интэриэһинэй толкуй киириэ. Ону болҕомтоҕо ыл.

♏️Скорпион

Бары өттүнэн үчүгэй күн. Настырыанньалааххын, дьон эйиэхэ тардыһар. Иллэҥ бириэмэҕин туһалаахтык, бэһиэлэйдик атаарыаҥ. Сулумахтар үтүө тыллары истиэхтэрэ.

♐️Охчут

Соһуччу күөрэйбит баҕаҕын самнараргар ыарахан. Туохха эрэ ыстарааптаныаххын сөп. Айан-сырыы табыллыа, хамсана-имсэнэ сылдьыы туһалаахтык дьайыа. 

♑️Чубуку

Үчүгэйдик былааннанан оҥорбут дьыалаҥ түмүгэ көстөн эрэр. Салгыы аһара түбүгүрүмэ, ыксаама. Күн иккис аҥаарыгар соһуччу этии киириэҕэ.

♒️Күрүлгэн

Күүскүн-кыаххын харыстаа. Чахчы суолталаах эрэ үлэҕэ ылыс. Ыарахаттар баар буолуохтара эрээри, ол дьыала ситиһиинэн түмүктэниэ. Уустук соруктары быһаарарга күн бастакы аҥаара табыгастаах. 

♓️Балыктар

Саҥаны толкуйдуурга, былааннанарга, айар үлэнэн дьарыктанарга табыгастаах кэм. Олоххо киллэрэ охсорго арыый эрдэ. Бородууктаттан, кэсмиэтикэттэн сэрэн. Доруобуйаҕар охсуулаах бородууксуйа түбэһиэн сөп.

Аһаҕас источниктартан ылылынна