24 От ыйа 24.07
  • 16°
  • $ 87,3
  • 95,46

Судаарыстыба көмөтүнэн хайдах дьиэлэниэххэ сөбүй?

17:46, 15 августа 2018
Текст:
Читайте нас на
Яндекс Новости
ЯДВ

Биир киһиэхэ тиксэринэн 9 кв. м. кыараҕас дьиэҕэ олорор эдэр ыаллары, сэрии бэтэрээннэрин, тулаайах оҕолору, 5-10 элбэх оҕолоох ыаллары, уһук хоту үлэлии барар учууталлары, медиктэри о.д.а дьиэнэн хааччыйарга араас бырагыраама үлэлиир. Быйыл итиниэхэ 1,48 млрд солк. үп көрүлүннэ. Онтон 974 мөл. өрөспүүбүлүкэ, 510,8 мөл. федеральнай бүддьүөт уйунуоҕа.       

СӨ Архитектураҕа уонна тутууга министиэристибэтин иһитиннэриитинэн, күн бүгүн 595 мөл. солк. төлөнөн, 140 киһи уонна кинилэр дьиэ кэргэттэрэ олорор усулуобуйаларын тупсардылар.

Дьиэ атыылаһарга, эбэтэр туттарга ити үөһэ ааттаммыт дьонтон ураты байыаннай сулууспаттан уурайбыт дьон, тутууну ситэри бүтэрбэтэх хампаанньаттан эмсэҕэлээбиттэр судаарыстыбаттан көмө ылыахтарын син.

«Уһук хоту оройуоҥҥа үлэлээбит учууталлар, медиктэр Дьокуускай куоракка дьиэ атыылаһалларыгар 50% судаарыстыба уйунар.  Оттон соҕуруу көһөн барар ыалга дьиэ-уот сэртипикээтэ бэриллэн, социальнай төлөбүр оҥоһуллар. Дьон үксэ Новосибирскай, Санкт-Петербург куорат, Московскай уобалас диэки талаһаллар.

Ону таһынан, чааһынай дьиэ туттарга 10 сылга диэри болдьохтоон бырыһыана суох кирэдьиит биэрэллэр. Онон, биир хоско хас да буолан кыараҕастык олорор дьон  судаарыстыба көмөтүнэн туһанан дьиэлэниэхтэрин сөп», — диэн СӨ Архитектураҕа уонна тутууга миниистирэ Вера Кузакова билиһиннэрдэ.

«2018-2022 сс. хаачыстыбалаах дьиэнэн хааччыйыы уонна хомунаалынай өҥө таһымын үрдэтии» диэн тус бырагыраама чэрчитинэн дьон олорор усулуобуйатын тупсарыы олоххо киирэн иһиэҕэ.

Марианна Тыртыкова, «Саха сирэ», edersaas.ru

Следите за самым важным и интересным в Telegram-канале и WhatsApp-группе ЯСИА