Субуотаҕа, атырдьах ыйын 16 күнүгэр, Дьокуускайга уонна үгүс оройуоннарга ардаҕа суох сылаас күн-дьыл күүтүллэр. Салгын температурата арыый сылыйыаҕа.
УГМС иһитиннэрэринэн, субуота түүн тымныы буолуо — +4 … + 6 кыраадыска диэри. Күнүс +20… +22 кыраадыска диэри сылыйыа.
Атырдьах ыйын 16 күнүн түүн Горнай, Таатта, Чурапчы, Сунтаар уонна Ньурба оройуоннарыгар намыһах сирдэригэр 0…-2 кыраадыска диэри тоҥоруу күүтүллэр.
Атырдьах ыйын 16 күнүгэр күнүс киин оройуоннарга синоптиктар +17… +22, соҕуруулуу-арҕаа — +25, хотугулуу-илин — +11… +16 диэри сабаҕалыыллар.
Саха сирин илин уонна хотугулуу-илин өттүгэр ардах түһүөҕэ.
